‘അഡ്വഞ്ചേഴ്സ് ഓഫ് ഓമനക്കുട്ടൻ’, ‘ഇബ്ലീസ്’ എന്നീ ചിത്രങ്ങൾക്ക് ശേഷം രോഹിത് സംവിധാനം ചെയ്യുന്ന ടൊവിനോ തോമസ് ചിത്രം ‘കള’യുടെ ടീസർ പുറത്ത്. ടൊവിനോയുടെ പിറന്നാൾ ദിനത്തിലാണ് ടീസർ സമൂഹ മാദ്ധ്യമങ്ങളിൽ പങ്കുവെച്ചിരിക്കുന്നത്. ഒരു മിനിട്ട് ദൈർഘ്യമുള്ള ടീസറിൽ സിനിമയിലെ ധാരാളം കഥാപത്രങ്ങൾ വന്നുപോകുന്നുണ്ട്. സിനിമയുടെ ചിത്രീകരണത്തിനിടെ ടൊവിനോക്ക് പരിക്കേറ്റത് നേരത്തെ വാർത്തയായിരുന്നു.
ടൊവിനോക്ക് പുറമെ ലാൽ, ദിവ്യ പിള്ള, സുമേഷ് തുടങ്ങിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. യദു പുഷ്പാകരനും രോഹിത് വിഎസുമാണ് ചിത്രത്തിന്റെ രചന നിർവഹിച്ചിരിക്കുന്നത്. ഛായാഗ്രഹണം അഖിൽ ജോർജ്, എഡിറ്റിംഗ് ലിവിങ്സ്റ്റൺ മാത്യു, ശബ്ദ സംവിധാനം ഡോൺ വിൻസെന്റ്.
ചിത്രത്തിന്റെ നിർമാണത്തിൽ ടൊവിനോയും പങ്കാളിയാണ്. ‘അഡ്വഞ്ചേഴ്സ് ഓഫ് ഓമനക്കുട്ടൻ’, ‘ഇബ്ലീസ്’ എന്നീ സിനിമകൾ സാമ്പത്തികമായി വിജയം ആയിരുന്നില്ലെങ്കിലും വ്യത്യസ്തത കൊണ്ട് പ്രേക്ഷക ശ്രദ്ധ ആകർഷിച്ചിരുന്നു.
Read also: കായികരംഗത്ത് ഉയർച്ച ആരോഗ്യത്തിലൂടെ; ‘പ്ളേ ഫോർ ഹെൽത്ത്’ പദ്ധതിയുമായി സർക്കാർ