ഹൈദരാബാദ്: ട്രാഫിക് നിയമം തെറ്റിച്ചതിന് തെന്നിന്ത്യൻ സൂപ്പർ താരം അല്ലു അര്ജുന് ഹൈദരാബാദ് പോലീസ് പിഴ ചുമത്തിയതായി റിപ്പോർട്. താരത്തിന്റെ വാഹനമായ എസ്യുവിയില് ടിന്റഡ് ഗ്ളാസ് ഉപയോഗിച്ചതിനാണ് പോലീസ് നടപടി.
ഹൈദരാബാദ് നഗരത്തില് തിരക്കേറിയ സ്ഥലത്തു വച്ചാണ് അല്ലു അർജുന്റെ കാറിന്റെ ഗ്ളാസ് പോലീസിന്റെ ശ്രദ്ധിയിൽപ്പെടുന്നത്. നിയമം ലംഘിച്ചതിന് 700 രൂപ പിഴയൊടുക്കി ഗ്ളാസില് മാറ്റം വരുത്തണമെന്ന് താരത്തോട് ആവശ്യപ്പെട്ടുവെന്നും ബോളിവുഡ് ലൈഫ് എന്ന മാദ്ധ്യമം റിപ്പോര്ട് ചെയ്യുന്നു.
2012 സുപ്രീം കോടതി വിധിപ്രകാരം വാഹനങ്ങളില് ടിന്റഡ് ഗ്ളാസ് ഉപയോഗിക്കുന്നതില് വിലക്കുണ്ട്. ഈ നിയമമാണ് താരം തെറ്റിച്ചിരിക്കുന്നത്.
അതേസമയം നിലവിൽ സുകുമാര് സംവിധാനം ചെയ്യുന്ന ‘പുഷ്പ’ രണ്ടാം ഭാഗത്തിന്റെ ചിത്രീകരണത്തിന്റെ തിരക്കിലാണ് അല്ലു അര്ജുൻ.
Most Read: മീഡിയവൺ സംപ്രേഷണ വിലക്ക്; മറുപടി നൽകാൻ കൂടുതൽ സമയംതേടി കേന്ദ്രം