പാലക്കാട്: നെല്ലിയാമ്പതിയിൽ ഗതാഗതം പുനഃസ്‌ഥാപിച്ചു. തുടർച്ചയായി പെയ്‌ത ശക്‌തമായ മഴയിൽ നെല്ലിയാമ്പതി ചുരം റോഡിന് കുറുകെ മരം വീണ് ഗതാഗതം തടസപ്പെട്ടിരുന്നു. ഇതേ തുടർന്ന് കൊല്ലങ്കോട് ഫയർഫോഴ്‌സും പോത്തുണ്ടി വനംവകുപ്പ് ഉദ്യോഗസ്‌ഥരും മരം മുറിച്ചുമാറ്റി ഗതാഗതം പുനഃസ്‌ഥാപിച്ചിട്ടുണ്ട്.
അതേസമയം, നെല്ലിയാമ്പതിയിൽ കനത്ത മഴ ഉണ്ട്. നിലവിൽ പ്രദേശത്ത് ദുരിതാശ്വാസ ക്യാമ്പുകൾ തുറന്നിട്ടില്ല. എങ്ങും കാര്യമായ പ്രശ്‌നങ്ങൾ റിപ്പോർട് ചെയ്‌തിട്ടില്ലെന്നും ചിറ്റൂർ തഹസിൽദാർ ഡി അമൃതവല്ലി അറിയിച്ചു. മഴ മുന്നിൽക്കണ്ട് ക്യാമ്പുകൾ ഒരുക്കുന്നതിന് വിഇഒമാരുടെ നേതൃത്വത്തിൽ സ്‌കൂളുകൾ സജ്‌ജീകരിച്ചിട്ടുണ്ടെന്നും തഹസിൽദാർ അറിയിച്ചു.
Most Read: കനത്ത മഴ ഉത്തരേന്ത്യയിലും; ഡെൽഹിയിൽ താഴ്ന്ന പ്രദേശങ്ങൾ വെള്ളത്തിനടിയിൽ
