ന്യൂഡെൽഹി: അന്താരാഷ്ട്ര യാത്രക്കാർക്കുള്ള യാത്രാ മാർഗരേഖ പുതുക്കിയതായി കേന്ദ്ര സർക്കാർ. വിദേശത്ത് നിന്ന് ഇന്ത്യയിൽ എത്തുന്നവർക്ക് ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധമാക്കി.
രണ്ട് ഡോസ് വാക്സിൻ എടുത്തവർക്കും നെഗറ്റീവ് സർട്ടിഫിക്കറ്റ് നിർബന്ധമാണ്. 72 മണിക്കൂറിനകം എടുത്ത ആർടിപിസിആർ നെഗറ്റീവ് സർട്ടിഫിക്കറ്റാണ് ഹാജരാക്കേണ്ടത്.
അതേസമയം, യുകെയിൽ നിന്ന് വരുന്ന യാത്രക്കാർക്ക് ഏർപ്പെടുത്തിയിരുന്ന പത്ത് ദിവസത്തെ നിർബന്ധിത ക്വാറന്റെയ്ൻ ഇന്ത്യ പിൻവലിച്ചു.
നേരത്തെ കോവിഡ് വ്യാപനത്തിന്റെ പശ്ചാത്തലത്തിൽ ഇന്ത്യയിൽ നിന്നുള്ള യാത്രക്കാർക്ക് യുകെ നിർബന്ധിത ക്വാറന്റെയ്ൻ ഏർപ്പെടുത്തിയിരുന്നു. ഇതിന് പിന്നാലെയാണ് ഇന്ത്യയും ക്വാറന്റെയ്ൻ കർശനമാക്കിയത്. എന്നാൽ ബ്രിട്ടൻ തീരുമാനം പിൻവലിച്ചതോടെയാണ് ഇന്ത്യയും തീരുമാനം മാറ്റിയത്.
Most Read: ചന്ദ്രിക കള്ളപ്പണ കേസ്; ഇഡി മുഈന് അലി തങ്ങളുടെ മൊഴിയെടുത്തു