തിരുവനന്തപുരം: ടിക്കറ്റില്ലാത്തത് ചോദ്യം ചെയ്‌തതിന് എറണാകുളം ഹൗറ എക്‌സ്‌പ്രസിലെ ടിക്കറ്റ് എക്‌സാമിനറെ അതിഥി തൊഴിലാളികൾ സംഘം ചേർന്ന് മർദ്ദിച്ച സംഭവത്തിൽ രണ്ട് പേരെ അറസ്‌റ്റ് ചെയ്‌തതായി റെയില്‍വേ പോലീസ് അറിയിച്ചു.
പെരുമ്പാവൂർ സ്വദേശി ബെസിക്കാണ് ഇന്നലെ അര്‍ധ രാത്രിയോടെ മർദ്ദനമേറ്റത്. ട്രെയിന്‍ ആലുവ സ്‌റ്റേഷന്‍ പിന്നിട്ടപ്പോള്‍ ജാര്‍ഖണ്ഡ് സ്വദേശികളായ രണ്ട് പേരോട് ടിടിഇ ആയ ബെസി ടിക്കറ്റ് ആവശ്യപ്പെട്ടു. എന്നാൽ ഇവരുടെ കൈയ്യിൽ ടിക്കറ്റ് ഉണ്ടായിരുന്നില്ല. ഇതിന്റെ പേരില്‍ ഉണ്ടായ തര്‍ക്കം പിന്നീട് മര്‍ദ്ദനത്തില്‍ കലാശിക്കുകയായിരുന്നു.
10ലധികം പേർ അക്രമി സംഘത്തിൽ ഉണ്ടായിരുന്നു എന്നാണ് വിവരം. ബെസിയുടെ മൊബൈല്‍ ഫോണും ഇവര്‍ പിടിച്ചെടുത്തു. വിവരമറിയിച്ചതിനെ തുടര്‍ന്ന് റെയില്‍വെ പോലീസ് തൃശൂരില്‍ വെച്ചാണ് പ്രതികളെ കസ്‌റ്റഡിയില്‍ എടുത്തത്. കോടതിയില്‍ ഹാജരാക്കിയ ഇവരെ റിമാൻഡ് ചെയ്‌തതായി പോലീസ് അറിയിച്ചു.
ആക്രമണത്തിൽ പരിക്കേറ്റ ബെസി കൊച്ചിയിലെ സ്വകാര്യ ആശുപത്രിയില്‍ ചികിൽസയിലാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
