കൊച്ചി: ആലുവയിൽ വൻ ലഹരിമരുന്ന് വേട്ട. രണ്ട് കിലോയിലധികം എംഡിഎംഎയുമായി യുവാക്കളെ എക്‌സൈസ് അറസ്‌റ്റ് ചെയ്‌തു. കൊടുങ്ങല്ലൂർ സ്വദേശികളായ രണ്ടുപേരാണ് എക്‌സൈസ് ഇന്റലിജൻസിന്റെ പിടിയിലായത്. റെയിൽവേ സ്‌റ്റേഷനിൽ നിന്നുമാണ് ഇവരെ അറസ്‌റ്റ് ചെയ്‌തത്‌.
ഡെൽഹിയിൽ നിന്നും മംഗള എക്‌സ്‌പ്രസിൽ കടത്തിക്കൊണ്ട് വരികയായിരുന്നു എംഡിഎംഎ. പാനിപൂരിയുടേയും ഫ്രൂട്ട് ജ്യൂസ് പാക്കിന്റെയും ഉള്ളിൽ ഒളിപ്പിച്ചാണ് ഇവർ ലഹരിമരുന്ന് കേരളത്തിലെത്തിച്ചത്.
പുതുവൽസര ആഘോഷത്തിന്റെ ഭാഗമായി സംസ്‌ഥാനത്തേക്ക് ലഹിമരുന്ന് എത്തിയേക്കുമെന്ന് എക്‌സൈസിന് നേരത്തെ വിവരം ലഭിച്ചിരുന്നു. ഇതിന്റെ അടിസ്‌ഥാനത്തിൽ നടത്തിയ പരിശോധനക്കിടെയാണ് എംഡിഎംഎ പിടിച്ചെടുത്തത്.
അതേസമയം പുതുവൽസര ആഘോഷങ്ങളിൽ വിതരണം ചെയ്യാൻ കൊണ്ടുവന്നതാണ് ഇതെന്ന് യുവാക്കൾ സമ്മതിച്ചിട്ടുണ്ട്.
തൃശൂർ ഇന്റലിജൻസ് ഇൻസ്‌പെക്‌ടർ മനോജ് കുമാറും സംഘവുമാണ് പിടികൂടിയത്.
Most Read: കിഴക്കമ്പലം ആക്രമണം; കർശന നടപടി ഉണ്ടാകുമെന്ന് പിവി ശ്രീനിജൻ എംഎൽഎ
