വാസ്കോ: ഐഎസ്എല്ലിൽ ഇന്ന് രണ്ട് മൽസരങ്ങള്. ജംഷഡ്പൂർ എഫ്സി വൈകിട്ട് അഞ്ചിന് തുടങ്ങുന്ന ആദ്യ കളിയിൽ ഹൈദരാബാദിനെ നേരിടും. 17 പോയിന്റുള്ള ഹൈദരാബാദ് ലീഗിൽ നാലും 13 പോയിന്റുള്ള ജംഷഡ്പൂർ ഒൻപതും സ്ഥാനത്താണ്.
ആദ്യപാദത്തിൽ ഏറ്റുമുട്ടിയപ്പോൾ ഓരോ ഗോൾ വീതം നേടി സമനിലയിൽ ആയിരുന്നു. ഇരു ടീമുകൾക്കും ഇന്നത്തെ മൽസരം നിർണായകമാണ്. പോലെ ഓഫിനായി എല്ലാ ടീമുകളും മികച്ച പോരാട്ടം കാഴ്ചവെക്കുന്ന സാഹചര്യത്തിൽ കളി കൂടുതൽ കടുപ്പമാവും.
ഇന്നത്തെ രണ്ടാമത്തെ മൽസരത്തിൽ ബെംഗളൂരു എഫ്സി, ഒഡിഷയെ നേരിടും. വൈകിട്ട് ഏഴരക്കാണ് കളി തുടങ്ങുക. 12 കളിയിൽ 13 പോയിന്റ് മാത്രമുള്ള ബെംഗളൂരു ലീഗിൽ എട്ടാം സ്ഥാനത്താണ്.
സീസണിനിടെ കോച്ചിനെ മാറ്റിയിട്ടും സുനിൽ ഛേത്രിക്കും സംഘത്തിനും വിജയവഴിയിൽ എത്താനായിട്ടില്ല. നൗഷാദ് മൂസയാണ് ബെംഗളൂരുവിലെ നയിക്കുന്നത്. മറുഭാഗത്ത് ഒഡിഷ അവസാന സ്ഥാനത്താണ്. ജയത്തിൽ കുറഞ്ഞതൊന്നും ബെംഗളുരുവിന്റെ ലക്ഷ്യത്തിൽ ഉണ്ടാവില്ല.
Read Also: ‘ബച്ചൻ പാണ്ഡേ’ ജനുവരി 26ന് തീയേറ്ററിൽ; പ്രതീക്ഷയോടെ ബോളിവുഡ്