മലപ്പുറം: വിദേശ മദ്യവുമായി യുവാക്കൾ അറസ്റ്റിൽ. പൂക്കോട്ടുംപാടം അഞ്ചാംമൈൽ സ്വദേശി രമേശ് ബാബു, ഉള്ളാട് സ്വദേശി ജിതേഷ് എന്നിവരാണ് ഓട്ടോറിക്ഷയിൽ കടത്തുകയായിരുന്ന 42 ലിറ്റർ വിദേശ മദ്യവുമായി പിടിയിലായത്. രഹസ്യ വിവരത്തെ തുടർന്ന് പൂക്കോട്ടുംപാടം പോലീസ് അമരമ്പലം സൗത്തിൽ നടത്തിയ വാഹന പരിശോധനയിലാണ് പ്രതികളെ പിടികൂടിയത്.
ഓട്ടോറിക്ഷയുടെ പാസഞ്ചർ സീറ്റിന് പുറകുവശം അടുക്കി വെച്ച നിലയിൽ അര ലിറ്ററിന്റെ ഒരേ ബ്രാൻഡിൽപ്പെട്ട 84 മദ്യക്കുപ്പികളാണ് പോലീസ് പിടിച്ചെടുത്തത്.
മലപ്പുറത്തെ സ്വകാര്യ മദ്യവിൽപന ശാലയിൽ നിന്ന് പ്രതികൾ പല തവണകളായിട്ടാണ് മദ്യം ശേഖരിച്ചതെന്ന് പോലീസ് പറഞ്ഞു. കോവിഡ് വ്യാപനത്തെ തുടർന്ന് മലയോര മേഖലയിലെ മദ്യവിൽപന ശാലകൾ അടച്ചിട്ടത് മുതലെടുക്കാൻ വേണ്ടിയാണ് പ്രതികൾ വൻതോതിൽ മദ്യം കടത്തിയതെന്നും പോലീസ് അറിയിച്ചു.
പ്രതികളെ നിലമ്പൂർ കോടതിയിൽ ഹാജരാക്കി.
Malabar News: ഒലവക്കോട് റെയിൽവേ സ്റ്റേഷനിൽ സ്വർണ ബിസ്കറ്റ് പിടികൂടി; ഒരാൾ അറസ്റ്റിൽ