ഷോപിയാന്: ജമ്മു കാശ്മീരിലെ ഷോപിയാനില് തീവ്രവാദികളും സുരക്ഷാ സേനയും തമ്മില് നടന്ന ഏറ്റുമുട്ടലില് രണ്ട് തീവ്രവാദികള് കൊല്ലപ്പെട്ടു. ഷോപിയാന് ജില്ലയിലെ സുഗാന് ഗ്രാമത്തില് മൂന്നോളം തീവ്രവാദികളെ സുരക്ഷാ സേന വളഞ്ഞതായി ദേശീയ മാദ്ധ്യമങ്ങള് റിപ്പോര്ട്ട് ചെയ്തിരുന്നു. മേഖലയില് കൂടുതല് തീവ്രവാദികളുടെ സാന്നിധ്യം ഉണ്ടെന്നുള്ള മുന്നറിയിപ്പ് ലഭിച്ചതിനെത്തുടര്ന്ന് സുരക്ഷാ സേന തിരച്ചില് ആരംഭിച്ചതായി പോലീസ് വക്താവ് പറഞ്ഞു. സുരക്ഷാ സേന തിരച്ചില് നടത്തുന്ന സമയത്ത് ഭീകരര് വെടിയുതിര്ക്കുക ആയിരുന്നു. തീവ്രവാദികള് വെടിയുതിര്ത്തതോടെ സേന തിരിച്ചടിച്ചു. ഇതിനെ തുടര്ന്നാണ് ഏറ്റുമുട്ടല് ആരംഭിച്ചതെന്നും പോലീസ് വക്താവ് അറിയിച്ചു.
Read also: റിയ ചക്രബര്ത്തിയുടെ ജാമ്യാപേക്ഷ ഇന്ന് പരിഗണിക്കും