വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടെയ്ന്‍മെന്റിന്റെ ബാനറില്‍ സെബാബ് ആനിക്കാടും ചേർന്ന് നിർമിച്ച ‘ഉപചാരപൂർവം ഗുണ്ട ജയ’ന്റെ ട്രെയ്‌ലർ ശ്രദ്ധനേടുന്നു. കഴിഞ്ഞ ദിവസം പുറത്തുവിട്ട ട്രെയ്‌ലറിന് മികച്ച പ്രതികരണമാണ് ലഭിക്കുന്നത്.
അരുൺ വൈഗ സംവിധാനം ചെയ്യുന്ന ചിത്രത്തിൽ സൈജു കുറുപ്പാണ് കേന്ദ്ര കഥാപാത്രമായി എത്തുന്നത്. സൈജുവിന്റെ കരിയറിലെ നൂറാം ചിത്രം എന്ന വിശേഷണവുമായാണ് ‘ഉപചാരപൂർവം ഗുണ്ട ജയൻ’ എത്തുന്നത്. ചിത്രം ഫെബ്രുവരി 25ന് തിയേറ്ററുകളിലെത്തും.
ചിത്രം ഒരു മുഴുനീള കോമഡി എന്റർടെയ്നർ തന്നെ ആയിരിക്കുമെന്ന് ഉറപ്പു നൽകുന്നതാണ് ട്രെയ്‌ലർ. സൈജു കുറുപ്പിനൊപ്പം സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരും അഭിനയിച്ചിരിക്കുന്നു.
രാജേഷ് വർമയാണ് ചിത്രം രചിച്ചിരിക്കുന്നത്. ബിജിപാലാണ് സംഗീത സംവിധാനം. എൽദോ ഐസക് ഛായാഗ്രഹണവും കിരൺ ദാസ് എഡിറ്റിങ്ങും നിർവഹിക്കുന്നു.
Most Read: ‘യുപിയുടെ സമാധാനത്തിനും പുരോഗതിക്കും വേണ്ടി വോട്ട് ചെയ്യൂ’; രാഹുൽ ഗാന്ധി
