ഗവർണറുടെ രാജിയാവശ്യം തള്ളി വിസിമാർ; ഹൈകോടതിയിൽ ഇന്ന് പ്രത്യേക സിറ്റിങ്

By Central Desk, Malabar News
Kerala Governor Arif Mohammad Khan
Ajwa Travels

കൊച്ചി: സർവകലാശാല വിസിമാർ രാജിവെക്കണമെന്ന ഗവർണറുടെ ഉത്തരവ് വിസിമാർ തള്ളി. കേരളത്തിലുള്ള 9 സർവകലാശാല വൈസ് ചാൻസലർമാർ ഇന്നു രാവിലെ 11.30നകം രാജിവെക്കണമെന്നായിരുന്നു ഗവർണർ ആരിഫ് മുഹമ്മദ്‌ഖാന്റെ ഉത്തരവ്.

ചരിത്രത്തിലെ തന്നെ അസാധാരണമായ ഗവർണറുടെ ഈ ഉത്തരവിൽ 6 സർവകലാശാല വൈസ് ചാൻസലർമാർ ഗവർണർക്ക് ‘ ഉത്തരവിനെതിരെ നിയമനടപടി സ്വീകരിക്കും’ എന്ന മറുപടി നൽകി. 3 സർവകലാശാല വിസിമാർ മറുപടി നൽകിയിട്ടില്ല.

അതേസമയം, സർക്കാർ സർവീസിലെ ജീവനക്കാരനടക്കമുള്ള ഒരാളെയും നോട്ടിസ് കൊടുക്കാതെ, അവർക്കു പറയാനുള്ളതു കേൾക്കാതെ പിരിച്ചു വിടാൻ കഴിയില്ലെന്ന് മുഖ്യമന്ത്രി നിലപാട് എടുത്തിരുന്നു. സാമാന്യ നീതി പോലും നിഷേധിക്കുന്ന അമിതാധികാര പ്രവണത അനുവദിച്ചു കൊടുക്കാനാവില്ലെന്നും മുഖ്യമന്ത്രി പറഞ്ഞിരുന്നു.

മാസങ്ങളായി നീളുന്ന ഗവർണർ-സർക്കാർ വടംവലിയുടെ ഭാഗമാണ് വിസിമാർ രാജിവെക്കണമെന്ന ഗവർണറുടെ ഉത്തരവ്. വിഷയത്തിൽ വിസിമാർ ഹൈക്കോടതിയെ സമീപിച്ചതിനെ തുടർന്ന് ഇന്ന് വൈകിട്ടുതന്നെ പ്രത്യേക സിറ്റിങ് നടത്തി വാദം കോടതി കേൾക്കും. വൈകിട്ട് നാലുമണിക്ക് ജസ്‌റ്റിസ്‌ ദേവൻ രാമചന്ദ്രൻ വിഷയം പരിഗണിക്കുക.

Most Read: ആര്യന്‍ഖാന്‍ കേസ്: എന്‍സിബിയുടെ ക്രമക്കേട് വ്യക്‌തമാക്കി വിജിലന്‍സ് റിപ്പോര്‍ട്ട്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE