പാലക്കാട്: വാളയാർ ചെക്ക് പോസ്റ്റിൽ നടത്തിയ മിന്നൽ പരിശോധനക്കിടെ കണക്കിൽപ്പെടാത്ത പണം പിടികൂടി. വിജിലൻസ് ആൻഡ് ആന്റി കറപ്ഷൻ ബ്യൂറോ നടത്തിയ മിന്നൽ പരിശോധനയിലാണ് കണക്കിൽപ്പെടാത്ത 1,71,975 രൂപ പിടിച്ചെടുത്തത്. സംഭവത്തിൽ ചെക്ക് പോസ്റ്റിലെ അഞ്ച് ഉദ്യോഗസ്ഥർക്കെതിരെ നടപടി സ്വീകരിക്കണമെന്ന് പരിശോധനാ സംഘം വിജിലൻസ് ഡയറക്ടർക്കു ശുപാർശ ചെയ്തു.
വാളയാറിൽ അനധികൃത പണപ്പിരിവ് നടക്കുന്നതായി വ്യാപകമായ പരാതികളെ തുടർന്നാണ് പാലക്കാട് വിജിലൻസ് സംഘം ഇന്നലെ രാത്രി 10 മണിയോടെ ചെക്ക് പോസ്റ്റിൽ മിന്നൽ പരിശോധന നടത്തിയത്. ഡ്യൂട്ടിയിൽ ഉണ്ടായിരുന്ന എംവിഐ ടിഎം ഷാജി, എഎംവിമാരായ അരുൺ കുമാർ, ജോസഫ് റോഡ്രിഗസ്, ഷബീറലി, ഒഎ റിഷാദ് എന്നിവർക്കെതിരെയാണ് വിജിലൻസ് നിയമ നടപടിക്ക് ശുപാർശ ചെയ്തത്.
ചെക്ക് പോസ്റ്റിൽ വരും ദിവസങ്ങളിലും പരിശോധന നടത്തുമെന്ന് വിജിലൻസ് അറിയിച്ചു.
Read Also: സുനന്ദ പുഷ്കർ മരണം; കേസ് വിധി പറയാനായി വീണ്ടും മാറ്റി