തിരുവനന്തപുരം: മുന്‍ മുഖ്യമന്ത്രിയും മുതിര്‍ന്ന കമ്മ്യൂണിസ്‌റ്റ് നേതാവുമായ വിഎസ് അച്യുതാനന്ദന്‍ കോവിഡ് വാക്‌സിന്‍ സ്വീകരിച്ചു. തിരുവനന്തപുരം ജനറല്‍ ആശുപത്രിയില്‍ നിന്നാണ് വിഎസ് വാക്‌സിന്‍ സ്വീകരിച്ചത്.
രാവിലെ ഒമ്പതര മണിക്ക് വാക്‌സിന്‍ സ്വീകരിച്ചതായി വിഎസ് അച്യുതാനന്ദൻ ഫേസ്ബുക്ക് കുറിപ്പിലൂടെ അറിയിച്ചു. ‘അതിജീവിക്കാനാവും എന്ന ആത്‌മ വിശ്വാസം കൈവിടാതെ, കരുതലോടെ നമുക്ക് മുന്നേറാമെന്ന്’ അദ്ദേഹം ഫേസ്ബുക്കിൽ കുറിച്ചു.
പ്രായാധിക്യത്തെ തുടര്‍ന്നുള്ള അവശതകളെ തുടര്‍ന്ന് മകന്‍ അരുണ്‍കുമാറിന്റെ വീട്ടില്‍ വിശ്രമത്തിലാണ് ഇപ്പോള്‍ വിഎസ്. തദ്ദേശ തിരഞ്ഞെടുപ്പില്‍ അനാരോഗ്യം കാരണം യാത്ര ചെയ്യാന്‍ സാധിക്കാത്തതിനാല്‍ വിഎസ് വോട്ട് ചെയ്‌തിരുന്നില്ല. അനാരോഗ്യം നിമിത്തം ഭരണപരിഷ്‌കാര കമ്മീഷന്‍ ചെയര്‍മാന്‍ പദവിയും ജനുവരിയിൽ അദ്ദേഹം രാജിവെച്ചിരുന്നു.
National News: രാജ്യത്ത് വാക്‌സിന്‍ സ്വീകരിച്ചവർ 1.94 കോടിയോളം പേര്‍; ഇന്നലെ മാത്രം 15 ലക്ഷം പേര്‍
