ന്യൂഡെൽഹി: ഭർത്താവിന്റെ വരുമാനം സംബന്ധിച്ച വിവരങ്ങൾ ഭാര്യക്ക് വിവരാവകാശം വഴി തേടാമെന്ന് കേന്ദ്ര വിവരാവകാശ കമ്മീഷൻ. പങ്കാളിയുടെ മൊത്തവും നികുതി നൽകേണ്ടതുമായ വരുമാനങ്ങളിൽ വിവരാവകാശ മറുപടി അറിയാമെന്നാണ് കമ്മീഷൻ പറയുന്നത്. രാജസ്ഥാനിലെ ജോധ്പൂരിൽ നിന്നുള്ള റഹ്മത്ത് ബാനോ സമർപ്പിച്ച അപ്പീലിന് മറുപടി നൽകുകയായിരുന്നു കമ്മീഷൻ.
റഹ്മത്ത് ബാനോ ആവശ്യപ്പെട്ട വിവരങ്ങൾ മൂന്നാം കക്ഷിയുടേതാണെന്നും വിവരവകാശത്തിന് കീഴിൽ അത്തരം വിവരങ്ങൾ ഉൾപ്പെടില്ലെന്നും നേരത്തെ ആദായനികുതി വകുപ്പ് അറിയിച്ചിരുന്നു. എന്നാൽ ഈ പ്രസ്താവനയെ വിവരാവകാശ കമ്മീഷൻ പൂർണമായും തള്ളി. ആദായനികുതി വകുപ്പിന്റെ അത്തരം അവകാശവാദങ്ങൾ അസംബന്ധമാണെന്ന് കമ്മീഷൻ പറഞ്ഞു. കൂടാതെ 15 ദിവസത്തിനുള്ളിൽ യുവതി അന്വേഷിച്ച വിവരങ്ങൾക്ക് മറുപടി നൽകണമെന്നും കമ്മീഷൻ ജോധ്പൂർ ആദായനികുതി വകുപ്പിന് നിർദേശം നൽകി.
Read also: സ്ഥാനാര്ഥികളെ സാമൂഹ്യ മാദ്ധ്യമങ്ങളില് അധിക്ഷേപിച്ചാല് ഇനി നടപടി