പാലക്കാട്: സ്കൂൾ കുട്ടികളുമായി വന്ന ഓട്ടോയിൽ കാട്ടുപന്നിയിടിച്ചു ഓട്ടോ ഡ്രൈവർ മരിച്ചു. വനിതാ ഡ്രൈവർ വക്കാല സ്വദേശിനി വിജിഷ സോണിയയാണ് (37) മരിച്ചത്. ഓട്ടോയിൽ ഉണ്ടായിരുന്ന വിദ്യാർഥികൾക്കും പരിക്കേറ്റിട്ടുണ്ട്. ഇന്ന് രാവിലെ എട്ടുമണിയോടെയാണ് അപകടം നടന്നത്. ഓടംതോട് ഭാഗത്ത് നിന്ന് നാല് വിദ്യാർഥികളുമായി സ്കൂളിലേക്ക് പോകുംവഴിയാണ് അപകടം.
കരിങ്കയം പള്ളിക്ക് സമീപം വെച്ച് പന്നി ഇടിച്ചതിനെ തുടർന്ന് നിയന്ത്രണം വിട്ട ഓട്ടോ മറിയുകയായിരുന്നു. ഓട്ടോയിൽ ഉണ്ടായിരുന്ന നാലുകുട്ടികളിൽ മൂന്ന് പേർക്ക് പരിക്കേറ്റിട്ടുണ്ട്. ഇവരുടെ പരിക്ക് ഗുരുതരമല്ല. കുട്ടികൾക്ക് മംഗലംഡാമിലെ ഹെൽത്ത് വിഷൻ മെഡിക്കൽ സെന്ററിൽ പ്രാഥമിക ചികിൽസ നൽകി. അഭയ അഭിലാഷ്, അനയ അഭിലാഷ്, ടോമിലിൻ എന്നിവരാണ് ഓട്ടോയിൽ ഉണ്ടായിരുന്നത്.
Most Read: ഏക സിവിൽ കോഡ്; കോൺഗ്രസിനെ ക്ഷണിക്കാത്തത് നിലപാട് ഇല്ലാത്തതിനാൽ- എംവി ഗോവിന്ദൻ