തിരുവനന്തപുരം: നിയമസഭയിൽ സ്വതന്ത്ര ബ്ളോക്കായി ഇരിക്കുമെന്ന് കെകെ രമ എംഎൽഎ. സഭയിൽ വിഷയാതിഷ്ഠിത നിലപാടായിരിക്കും സ്വീകരിക്കുകയെന്നും വടകരയുടെ വികസനത്തിന് വേണ്ടി പ്രവർത്തിക്കുമെന്നും കെകെ രമ വ്യക്തമാക്കി.
‘തെരുവിൽ വീണ ചോരയുടെയും കേരളത്തിലെ ജനാധിപത്യ വിശ്വാസികളുടെയും അഭിമാന നിമിഷമാണിത്. വളരെ സന്തോഷമുണ്ട്. നിയമസഭയിൽ സ്വതന്ത്ര ബ്ളോക്കായി ഇരിക്കാനാണ് തീരുമാനം’, കെകെ രമ പറഞ്ഞു.
യുഡിഎഫ് എന്ന വലിയ മുന്നണിയുടെ പിന്തുണയിലാണ് മൽസരിച്ച് ജയിച്ചിരിക്കുന്നതെന്ന് പറഞ്ഞ എംഎൽഎ ചില വിഷയങ്ങളുടെ അടിസ്ഥാനത്തിൽ പ്രതിപക്ഷത്തിന്റെ നിലപാടുകൾക്കൊപ്പം നിൽക്കുമെന്നും വ്യക്തമാക്കി. ഏറ്റവും ശക്തമായ ക്രിയാത്മകമായ പ്രതിപക്ഷമായി നിലകൊള്ളുമെന്നും കെകെ രമ എംഎൽഎ കൂട്ടിച്ചേർത്തു.
Read Also: സ്പീക്കർ സ്ഥാനത്തേക്ക് യുഡിഎഫ് മൽസരിക്കും; പിസി വിഷ്ണുനാഥ് സ്ഥാനാർഥി