ശ്രീനഗർ: ജമ്മു കശ്മീരിൽ ക്രിക്കറ്റ് അക്കാദമി നിർമിക്കുമെന്ന് പ്രഖ്യാപിച്ച് മുൻ ഇന്ത്യൻ താരം സുരേഷ് റെയ്‌ന. ജമ്മു കശ്‌മീർ ലഫ്റ്റനന്റ് ഗവർണർ മനോജ് സിൻഹയുമായി താരം കൂടിക്കാഴ്‌ച നടത്തി. ജമ്മു കശ്‌മീർ സ്‌പോർട്‌സ് കൗൺസിലും റെയ്‌നയും തമ്മിൽ മെമ്മോറാൻഡം ഓഫ് അണ്ടർസ്‌റ്റാൻഡിങ്ങിലും ഒപ്പുവെച്ചിട്ടുണ്ട്.
കഴിഞ്ഞ ദിവസം 34 സർക്കാർ സ്‌കൂളുകളിൽ കുടിവെള്ള സംവിധാനവും ശൗചാലയവും ഒരുക്കുമെന്ന് റെയ്‌ന പ്രഖ്യാപിച്ചിരുന്നു. തന്റെ 34ആം പിറന്നാൾ ദിനത്തോടനുബന്ധിച്ചാണ് റെയ്‌ന പ്രഖ്യാപനം നടത്തിയത്. ഇതിന് പിന്നാലെയാണ് താരത്തിന്റെ പുതിയ പ്രഖ്യാപനം.
കശ്‌മീരിലുള്ള യുവതാരങ്ങൾക്ക് അക്കാദമി മികച്ചൊരു സംരംഭമായിരിക്കുമെന്ന് റെയ്‌ന പറഞ്ഞു. ജമ്മു കശ്‌മീർ സ്വദേശിയായ എനിക്ക് സമൂഹത്തിന് ഇങ്ങനെ എന്തെങ്കിലും തിരിച്ചു നൽകാൻ സാധിക്കും. ഇവിടെ കഴിവുള്ള ഒരുപാട് താരങ്ങളുണ്ട്. അടുത്ത 5 മുതൽ 10 വർഷം വരെയുള്ള കാലയളവിൽ ഒന്നോ രണ്ടോ യുവ താരങ്ങളെങ്കിലും ഇവിടെ നിന്ന് ദേശീയ ടീമിൽ കളിച്ചാൽ അതൊരു വലിയ നേട്ടമാണ്, റെയ്‌ന അഭിപ്രായപ്പെട്ടു.
Read also: ബിബിസിയുടെ പട്ടികയിലും ഇടം പിടിച്ച് ഷഹീന്‍ബാഗ് ദാദി
