തിരുവനന്തപുരം: സ്ത്രീകളെ രാത്രി ചികിത്സാ കേന്ദ്രങ്ങളിലേക്ക് മാറ്റേണ്ടതില്ലെന്ന് ആരോഗ്യ വകുപ്പിന്റെ പുതിയ നിര്ദേശം. രാത്രി ആംബുലന്സ് അയക്കേണ്ടത് അടിയന്തര സാഹചര്യത്തില് മാത്രമാണ്. അടിയന്തര സാഹചര്യത്തില് രാത്രി സ്ത്രീകളെ ചികിത്സാ കേന്ദ്രത്തിലെത്തിക്കേണ്ടി വന്നാല് ആരോഗ്യ പ്രവര്ത്തകര് ഒപ്പമുണ്ടാകണമെന്നും പുതിയ നിര്ദേശത്തില് പറയുന്നു.
ഞായറാഴ്ച പുലര്ച്ചെയാണ് ആറന്മുള കോവിഡ് രോഗിയായ പെണ്കുട്ടി ആംബുലന്സില് വച്ച് പീഡനത്തിനിരയായത്. കേസില് പ്രതി നൗഫലിനെ കസ്റ്റഡിയില് ആവശ്യപ്പെട്ട് അന്വേഷണ സംഘം ഇന്ന് കോടതിയില് അപേക്ഷ സമര്പ്പിക്കും. കോവിഡ് സ്ഥിരീകരിച്ച ശേഷം ട്രീറ്റ്മെന്റ് സെന്ററിലേക്ക് കൊണ്ടുപോകുന്നതിനിടെ പെണ്കുട്ടിയെ ആംബുലന്സ് ഡ്രൈവര് പീഡിപ്പിക്കുകയായിരുന്നു. ആശുപത്രിയിലെത്തിച്ച ശേഷം പെണ്കുട്ടി ഇക്കാര്യം പൊലീസിനോട് വെളിപ്പെടുത്തിയതോടെയാണ് സംഭവം പുറത്തായത്.