കൊല്ലം: ജില്ലയിലെ കൊട്ടിയം തഴുത്തലയില് കിണറില് കുടുങ്ങിയ തൊഴിലാളിയെ കണ്ടെത്തി. മുട്ടക്കാവ് സ്വദേശി സുധീറിനെയാണ് കണ്ടെത്തിയത്. ഇദ്ദേഹത്തിന്റെ ആരോഗ്യനില പരിശോധിച്ചുവരികയാണ്.
കൊട്ടിയം പുഞ്ചിരി ചിറയില് ഇന്നലെ ഉച്ചയോടെയാണ് സുധീര് കിണറിനുള്ളില് അകപ്പെട്ടത്. 60 അടി താഴ്ചയുള്ള കിണറ്റില് റിങ് ഇറക്കുന്നതിനിടെ ഉണ്ടായ അപകടത്തില് കിണറിനുള്ളില് കുടുങ്ങുകയായിരുന്നു. ഉച്ചയ്ക്ക് ഒരു മണിയോടെ ആയിരുന്നു സംഭവം.
മണ്ണിനടിയിലായ സുധീറിനെ കണ്ടെത്താനായി സമാന്തരമായി മറ്റൊരു കിണര് കുഴിച്ചാണ് രക്ഷാപ്രവര്ത്തനം നടത്തിയത്. പോലീസിനും ഫയര്ഫോഴ്സിനും ഒപ്പം നാട്ടുകാരും രക്ഷാപ്രവര്ത്തനത്തിൽ പങ്കാളികളായി.
Most Read: ലിതാരയുടെ മരണം; കോച്ച് രവി സിംഗിന് സസ്പെന്ഷന്