ഓവൽ: ഇംഗ്ളണ്ടിനെതിരായ നാലാം മൽസരത്തിൽ വിജയം നേടിയതോടെ ഇന്ത്യ വീണ്ടും ലോക ടെസ്റ്റ് ചാമ്പ്യന്ഷിപ്പ് പോയിന്റ് പട്ടികയില് ഒന്നാമത്. പരമ്പരയിലെ നാലാം ടെസ്റ്റില് ഇന്ത്യ 157 റണ്സിന്റെ വിജയമാണ് സ്വന്തമാക്കിയത്. ഇതോടെ അഞ്ച് മൽസരങ്ങളടങ്ങിയ പരമ്പരയില് ഇന്ത്യ 2-1ന് ലീഡെടുക്കുകയും ചെയ്തു. ഈ വിജയത്തോടെ ഇന്ത്യക്ക് ആകെ 26 പോയിന്റായി.
രണ്ട് വിജയവും ഒരു പരാജയവും ഒരു സമനിലയുമാണ് ഇന്ത്യയുടെ അക്കൗണ്ടിലുള്ളത്. പാകിസ്ഥാനും വെസ്റ്റ് ഇന്ഡീസുമാണ് പോയിന്റ് പട്ടികയില് രണ്ടാം സ്ഥാനത്ത്. ഇരുടീമുകള്ക്കും 12 പോയിന്റുകള് വീതമുണ്ട്. ഒരു വിജയവും ഒരു തോല്വിയും ഇരുടീമുകളും സ്വന്തമാക്കി.
ഇംഗ്ളണ്ടിനെതിരായ പരമ്പര സ്വന്തമാക്കിയാല് ഇന്ത്യ പോയിന്റ് പട്ടികയില് മറ്റു രാജ്യങ്ങളേക്കാളും ഏറെ മുന്നിലെത്തും. ലോക ടെസ്റ്റ് ചാമ്പ്യന്ഷിപ്പിന്റെ രണ്ടാം പതിപ്പാണ് ഇപ്പോള് നടക്കുന്നത്. ആദ്യ സീസണില് ഇന്ത്യ ഫൈനലില് എത്തിയെങ്കിലും ന്യൂസീലന്ഡിനോട് പരാജയപ്പെടുകയായിരുന്നു.
Read Also: ‘അണ്ണാത്തെ പ്രേക്ഷകരെ വൈകാരികമായി ബന്ധിപ്പിക്കാന് കഴിവുള്ള ചിത്രം’; രജനികാന്ത്