തിരുവനന്തപുരം: സംസ്ഥാനത്ത് ഇന്നും മഴ ശക്തമായേക്കും. കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, തൃശൂർ, എറണാകുളം, ഇടുക്കി, കോട്ടയം ജില്ലകളിൽ യെല്ലോ അലർട് പ്രഖ്യാപിച്ചു. കേരള തീരത്ത് 55 കിലോമീറ്റർ വരെ വേഗത്തിൽ കാറ്റ് വീശാൻ സാധ്യതയുണ്ട്. ഇന്ന് രാത്രി വരെ കടലേറ്റവും ശക്തമായേക്കാം.
ശനിയാഴ്ച വരെ അറബിക്കടലിൽ മീൻപിടിക്കാൻ പോകരുതെന്നാണ് മുന്നറിയിപ്പ്. അതേസമയം, രണ്ടുദിവസമായി തുടരുന്ന മഴയിൽ എറണാകുളം, ഇടുക്കി, പത്തനംതിട്ട, കോട്ടയം ജില്ലകളിൽ വ്യാപക നാശനഷ്ടം ഉണ്ടായി. നൂറിലധികം വീടുകൾ തകർന്നു. അഞ്ഞൂറിലേറെ വീടുകൾക്ക് കേടുപാടുണ്ടായി. നിരവധി മരങ്ങൾ കടപുഴകി.വ്യാപക കൃഷിനാശവുമുണ്ടായി.
Also Read: സെക്രട്ടറിയേറ്റിലെ സുരക്ഷ ശക്തമാക്കി സർക്കാർ; കൂടുതൽ നിയന്ത്രണങ്ങൾ