പാലക്കാട്: കുഴൽമന്ദത്ത് ഇന്നോവ കാറിടിച്ച് യുവാവ് മരിച്ച സംഭവത്തിൽ അധ്യാപകനെതിരെ കേസ്. ഇന്നോവ ഓടിച്ച ആലത്തൂർ സ്വദേശിയായ അധ്യാപകനെതിരെയാണ് മനപൂർവ്വമല്ലാത്ത നരഹത്യയ്‌ക്ക് കേസെടുക്കുകയെന്ന് പോലീസ് അറിയിച്ചു.
കഴിഞ്ഞ ശനിയാഴ്‌ച പുലർച്ചെയാണ് ദേശീയപാതയ്‌ക്ക് അടുത്ത് 30 വയസ് പ്രായം തോന്നിക്കുന്ന യുവാവിനെ കാറിടിച്ച് വീഴ്‌ത്തിയത്. തുടർന്ന്, അധ്യാപകൻ തന്നെയാണ് വിവരം പോലീസിനെ അറിയിച്ചത്.
പിന്നീട് പോലീസ് എത്തി യുവാവിനെ ആശുപത്രിയിലേക്ക് മാറ്റുകയായിരുന്നു. തൃശൂർ മെഡിക്കൽ കോളേജിൽ ചികിൽസയിലിരിക്കെ ഇന്ന് രാവിലെയാണ് യുവാവ് മരിച്ചത്. അതേസമയം, യുവാവിനെ തിരിച്ചറിഞ്ഞിട്ടില്ല.
Read Also: രാജ്യത്ത് നിന്നും 6 ഭീകരരെ പിടികൂടി ഡെൽഹി പോലീസ്
