മാനന്തവാടി: പ്രണയത്തിലായ ശേഷം യുവതിയുടെ നഗ്ന ചിത്രങ്ങൾ പകർത്തി പ്രചരിപ്പിച്ച യുവാവ് പിടിയിൽ. തിരുവനന്തപുരം നെടുമങ്ങാട് തവലോട്ടുകോണം അനന്തു (21) ആണ് മാനന്തവാടി പോലീസിന്റെ പിടിയിലായത്.
സമൂഹ മാദ്ധ്യമത്തിലൂടെയാണ് ഇരുവരും പരിചയപ്പെട്ടത്. പ്രണയത്തിലായ ശേഷം യുവതി ബന്ധത്തിൽ നിന്നും പിൻമാറാൻ ശ്രമിച്ചതിന്റെ വിരോധം തീർക്കാനാണ് ഇയാൾ ചിത്രങ്ങൾ പ്രചരിപ്പിച്ചത്. പ്രതി ഉപയോഗിച്ച ലാപ്ടോപ്, മൊബൈൽ ഫോൺ എന്നിവ പോലീസ് കസ്റ്റഡിയിലെടുത്തു.
ഇയാൾക്ക് എതിരെ ഐടി നിയമ പ്രകാരവും, ഇന്ത്യൻ ശിക്ഷാ നിയമത്തിലെയും കേരള പോലീസ് നിയമത്തിലെയും വിവിധ വകുപ്പുകളും ചുമത്തി കേസെടുത്തിട്ടുണ്ട്. മാനന്തവാടി കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. മാനന്തവാടി സിഐ എംഎം അബ്ദുൽ കരീം, അഡീഷണൽ എസ്ഐ റോയ്, സിപിഒമാരായ ജിൻസ്, വിപിൻ, ഡ്രൈവർ ഷിനു എന്നിവരടങ്ങിയ പോലീസ് സംഘമാണ് പ്രതിയെ പിടികൂടിയത്.
Read also: ദേശീയ പാതാ വികസനം; ഭൂമി ഏറ്റെടുക്കൽ പൂർത്തിയായി