മഞ്ചേരി: ജലസ്രോതസുകൾ സംരക്ഷിക്കാൻ യുവാക്കൾ രംഗത്തിറങ്ങണമെന്ന് എസ്വൈഎസ് സംസ്ഥാന സെക്രട്ടറി ഇകെ മുഹമ്മദ് കോയ സഖാഫി അഭ്യർഥിച്ചു.
രൂക്ഷമായ ജലക്ഷാമം അനുഭവപ്പെടാൻ സാധ്യതയുള്ള സാഹചര്യത്തിൽ ജല സംഭരണികളും നദികളും സംരക്ഷിക്കേണ്ടതിന്റെ അനിവാര്യതയും ഇദ്ദേഹം പ്രവർത്തകരെ ബോധ്യപ്പെടുത്തി. ജലമാണ് ജീവൻ എന്ന പ്രമേയത്തെ ആസ്പദമാക്കി എസ്വൈഎസ് നടത്തുന്ന നേതൃസംഗമം ഉൽഘാടനം ചെയ്യുകയായിരുന്നു സഖാഫി.
മഞ്ചേരി ജില്ലാ യൂത്ത് സ്ക്വയറിൽ നടന്ന പരിപാടിയിൽ ജില്ലാ പ്രസിഡണ്ട് സികെ അസൈനാർ സഖാഫി കുട്ടശ്ശേരി അധ്യക്ഷത വഹിച്ചു. ജലസംരക്ഷണ ക്യാംപയിനിന്റെ പോസ്റ്റർ ജില്ലാ ജനറൽ സെക്രട്ടറി വിപിഎം ഇസ്ഹാഖ് പ്രകാശനം ചെയ്തു. ഫിനാൻസ് സെക്രട്ടറി അബ്ദുറഹീം കരുവള്ളി, സാമൂഹികം സെക്രട്ടറി സിദ്ദീഖ് സഖാഫി വഴിക്കടവ്, മുജീബ്റഹ് മാൻ വടക്കേമണ്ണ എന്നിവർ നേതൃസംഗമത്തിൽ സംസാരിച്ചു.
Most Read: അരിത ബാബു 27 വയസ്; ഏറ്റവും പ്രായം കുറഞ്ഞ സ്ഥാനാർഥി കോൺഗ്രസിൽ നിന്ന്