തിരുവനന്തപുരം : ജീവനക്കാര്‍ക്ക് കോവിഡ് സ്ഥിരീകരിച്ചതോടെ നെടുമങ്ങാട് കെഎസ്ആര്‍ടിസി ഡിപ്പോ അടച്ചു. രണ്ട് ദിവസത്തേക്കാണ് ഡിപ്പോ അടച്ചിടാന്‍ തീരുമാനിച്ചത്. ഡിപ്പോയില്‍ ഇതുവരെ 11 ജീവനക്കാര്‍ക്ക് കോവിഡ് സ്ഥിരീകരിച്ചു. ഇന്ന് സ്റ്റേഷന്‍ മാസ്റ്ററും രോഗബാധിതനായതോടെ ഡിപ്പോ അടക്കാന്‍ തീരുമാനിക്കുകയായിരുന്നു. ഇദ്ദേഹവുമായി സമ്പര്‍ക്കത്തില്‍ ഉണ്ടായിരുന്ന മറ്റ് ജീവനക്കാര്‍ സ്വയം നിരീക്ഷണത്തില്‍ പോയി.
തലസ്ഥാനത്ത് കോവിഡ് വ്യാപനം അതിരൂക്ഷമായി തന്നെ തുടരുകയാണ്. പ്രതിദിന കണക്കുകളില്‍ തിരുവനന്തപുരമാണ് സംസ്ഥാനത്ത് മുന്നില്‍ തുടരുന്നത്. രോഗവ്യാപനം രൂക്ഷമായതിനാല്‍ കടുത്ത നിയത്രണങ്ങള്‍ ഏര്‍പ്പെടുത്തണമെന്ന് ജില്ലാ ഭരണകൂടം നിര്‍ദ്ദേശം നല്‍കിയിട്ടുണ്ട്. അവശ്യ സേവനങ്ങള്‍ മാത്രം അനുവദിച്ചു കൊണ്ട് രോഗവ്യാപനത്തിന്റെ തോത് കുറക്കാനാണ് ജില്ലാ ഭരണകൂടം ലക്ഷ്യം വെക്കുന്നത്. രോഗവ്യാപനം കുറയുന്നത് വരെ പൊതുഗതാഗതം ഒഴിവാക്കണമെന്നും സ്ഥാപനങ്ങളില്‍ 50 ശതമാനം ജീവനക്കാരെ മാത്രമേ അനുവദിക്കാവൂ എന്നും നിര്‍ദേശത്തില്‍ പറയുന്നുണ്ട്.
Read also : നടിയെ ആക്രമിച്ച കേസ്: മൊഴി തിരുത്താന്‍ ഭീഷണിയെന്ന് പരാതി
