തട്ടിക്കൊണ്ടു പോകാൻ ശ്രമിച്ച അക്രമിയെ തുരത്തിയോടിച്ച് 11 വയസുകാരി; അഭിനന്ദിച്ച് സോഷ്യൽ മീഡിയ

By Desk Reporter, Malabar News
Ajwa Travels

വാഷിംഗ്‌ടൺ: തട്ടിക്കൊണ്ടു പോകാൻ ശ്രമിച്ച അക്രമിയെ ധൈര്യപൂർവം നേരിട്ട 11 വയസുകാരിയാണ് ഇപ്പോൾ സോഷ്യൽ മീഡിയയിലെ താരം. യുഎസ്, ഫ്‌ളോറിഡയിലെ വെസ്‌റ്റ് പെന്‍സകോളയിലാണ് സംഭവം. സ്‌കൂൾ ബസ് കാത്തു നിൽക്കുകയായിരുന്ന പെൺകുട്ടിയെ കാറിലെത്തിയ അജ്‌ഞാതൻ പിടിച്ചുകൊണ്ടു പോകാൻ ശ്രമിക്കുകയായിരുന്നു.

കാറിനടുത്തേക്ക് ഏകദേശം വലിച്ചു കൊണ്ടുവന്നെങ്കിലും പെണ്‍കുട്ടി ധൈര്യപൂർവം ഇത് തടഞ്ഞു. ശക്‌തമായി തൊഴിക്കുകയും ഇടിക്കുകയും ചെയ്‌തതോടെ അക്രമി പെൺകുട്ടിയെ ഉപേക്ഷിച്ച് കാറില്‍ കയറി രക്ഷപ്പെട്ടു. സമീപത്തുള്ള വീട്ടിലെ സിസിടിവി ക്യാമറയില്‍ പതിഞ്ഞ ദൃശ്യങ്ങളാണ് വൈറലായത്.

“രക്ഷപ്പെടാനായി അവള്‍ എല്ലാ വഴികളും നോക്കി. അവള്‍ നന്നായി പൊരുതി, വിട്ടുകൊടുക്കാതെ. അവള്‍ ധൈര്യശാലിയാണ്,”- മുതിര്‍ന്ന പോലീസ് ഉദ്യോഗസ്‌ഥന്‍ പെണ്‍കുട്ടിയെ അഭനന്ദിച്ചുകൊണ്ട് പറഞ്ഞു.

സിസിടിവി ദൃശ്യങ്ങൾ പരിശോധിച്ച പോലീസ് അക്രമിയെ തിരിച്ചറിഞ്ഞു. ഇയാള്‍ മറ്റ് പല കേസുകളിലും പ്രതിയാണെന്നും തട്ടിക്കൊണ്ട് പോകാന്‍ ശ്രമിക്കുന്നതിന് ആഴ്‌ചകള്‍ക്ക് മുമ്പ് ഇയാള്‍ ഇതേ സ്‌ഥലത്ത് വച്ച് പെണ്‍കുട്ടിയോട് സംസാരിക്കാന്‍ ശ്രമിച്ചിരുന്നതായും പോലീസ് പറഞ്ഞു.

Also Read:  കോവിഡിൽ അമ്മയെ നഷ്‌ടപ്പെട്ട കുഞ്ഞുങ്ങൾക്ക് മുലപ്പാൽ വാഗ്‌ദാനം ചെയ്‌ത്‌ യുവതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE