ഗുവാഹത്തി: കോവിഡ് ബാധിച്ച് മരണപ്പെടുകയോ ചികിൽസയിൽ ഇരിക്കുകയോ ചെയ്യുന്ന അമ്മമാരുടെ നവജാത ശിശുക്കൾക്ക് മുലപ്പാൽ വാഗ്‌ദാനം ചെയ്‌ത്‌ യുവതി. മുംബൈയില്‍ പ്രൊഡക്ഷന്‍ മാനേജരായി ജോലിചെയ്യുന്ന അസം സ്വദേശിനി രോണിത കൃഷ്‌ണ ശര്‍മയാണ് കുഞ്ഞുങ്ങളെ മുലയൂട്ടാന്‍ സന്നദ്ധതയറിയിച്ച് രംഗത്തെത്തിയത്. രണ്ട് മാസം പ്രായമായ കുഞ്ഞിന്റെ അമ്മയാണ് രോണിത.
കോവിഡ് ബാധിച്ച് അമ്മമാര്‍ മരിക്കുകയോ രോഗഭീഷണിമൂലം ഐസൊലേഷനില്‍ ആവുകയോ ചെയ്‌ത കുഞ്ഞുങ്ങള്‍ക്ക് മുലയൂട്ടാനാണ് രോണിത മുന്നോട്ടുവന്നത്. ഗുവാഹത്തിയിലും പരിസര പ്രദേശങ്ങളിലും ഉള്ള നവജാത ശിശുക്കള്‍ക്ക് വേണ്ടിയാണ് രോണിത ഈയൊരു തീരുമാനത്തില്‍ എത്തിയത്. “ഈ കോവിഡ് സമയത്ത് എനിക്ക് ചെയ്യാന്‍ സാധിക്കുന്നത് ഇതുമാത്രമാണ്,”- രോണിത തന്റെ ട്വീറ്റില്‍ കുറിച്ചു.
മാര്‍ച്ച്‌ 10ന് കുഞ്ഞ് ജനിച്ച ശേഷമാണ് രോണിത മുംബൈയില്‍ നിന്ന് അസമിലേക്ക് മടങ്ങിയത്. തന്റെ നാടായ ഗുവാഹത്തിയിലെ മറ്റ് മുലയൂട്ടുന്ന അമ്മമാരോടും തനിക്കൊപ്പം ചേരാന്‍ രോണിത അഭ്യർഥിച്ചിട്ടുണ്ട്. “ഗുവാഹത്തിയില്‍ ഏതെങ്കിലും നവജാതശിശുവിന് മുലപ്പാല്‍ വേണമെങ്കില്‍ എന്നെ അറിയിക്കൂ, ഞാന്‍ സഹായത്തിനുണ്ട്,” – രോണിത ട്വീറ്റിൽ പറഞ്ഞു. നിരവധി പേരാണ് സോഷ്യൽ മീഡിയയിലൂടെയും മറ്റും രോണിതയുടെ ഈ തീരുമാനത്തെ പ്രശംസിക്കുന്നത്.
Guwahati, Breastfeeding… Meet Ronita Sharma Rekhi. The lady who offers breast milk to newborn babies of COVID positive mothers. “This is the least I can do. My whole motive is to encourage more mothers”, she tells me. Bold, excellent initiative; in these challenging times! ? pic.twitter.com/3rPQvF2V6F
— Gaurav Gautam (@GauravNagaon) May 14, 2021
Also Read: ബാദുഷ: എട്ട് ലക്ഷം വിശപ്പിന് പരിഹാരമായി മുന്നേറുന്ന കൊച്ചിയിലെ ‘സിനിമാ കിച്ചന്റെ’ നട്ടെല്ല്
