മുംബൈ: പത്താം ക്ളാസ് പരീക്ഷ എഴുതാൻപോയ 15 വയസുകാരിയെ വിവാഹം കഴിച്ച 21 വയസുകാരൻ അറസ്റ്റിൽ. മുംബൈയിലാണ് സംഭവം.
പരീക്ഷയ്ക്കായി സ്കൂളിലേക്ക് പോയ പെൺകുട്ടി രാത്രി എട്ടുമണിയായിട്ടും വീട്ടിൽ തിരിച്ചെത്താത്തതിനെ തുടർന്ന് രക്ഷിതാക്കൾ കാലാചൗക്കി പോലീസിൽ പരാതി നൽകിയിരുന്നു. എന്നാൽ പിറ്റേന്ന് വീട്ടിൽ തിരിച്ചെത്തിയ പെൺകുട്ടി ഷിർഡിയിൽ വച്ചു താനും യുവാവും വിവാഹിതരായെന്നു വീട്ടുകാരോട് വെളിപ്പെടുത്തി. ഇരുവരും നേരത്തേ അടുപ്പത്തിലായിരുന്നുവെന്നും അറിയിച്ചു.
പെൺകുട്ടിയെ വൈദ്യപരിശോധനയ്ക്ക് വിധേയയാക്കി. കോടതിയിൽ ഹാജരാക്കിയ യുവാവിനെ പോലീസ് കസ്റ്റഡിയിൽ വിട്ടു. വിവാഹം സംഘടിപ്പിക്കാൻ സഹായിച്ചവരെ തിരയുകയാണെന്നും പോലീസ് അറിയിച്ചു.
Most Read: യുപിയില് റെയില്വെ സ്റ്റേഷനിലെ ശൗചാലയത്തില് യുവതിയെ ബലാൽസംഗം ചെയ്തു