മൂന്നാർ: സംസ്ഥാനത്ത് വീണ്ടും ശൈശവ വിവാഹം. മൂന്നാറിൽ 17 വയസുള്ള പെൺകുട്ടിയെയാണ് 26 വയസുള്ള യുവാവുമായി വിവാഹം കഴിപ്പിച്ചത്. സംഭവത്തിൽ ഭർത്താവിനെതിരെയും, പെൺകുട്ടികളുടെ രക്ഷിതാക്കൾക്ക് എതിരെയും പോലീസ് കേസെടുത്തിട്ടുണ്ട്. ഭർത്താവിനെതിരെ പോക്സോ വകുപ്പ് ചുമത്തിയാണ് കേസെടുത്തത്. പെൺകുട്ടി 7 മാസം ഗർഭിണിയാണ്.
അതേസമയം, ഒരു മാസം മുമ്പ് ഇടമലക്കുടിയിലും ശൈശവ വിവാഹം നടന്നിരുന്നു. പതിനാറു കാരിയെ 47-കാരനാണ് വിവാഹം കഴിച്ചത്. പ്രതിക്കെതിരെ പോക്സോ വകുപ്പുകൾ ചുമത്തി. പെൺകുട്ടിയെ ചൈൽഡ് വെൽഫെയർ കമ്മിറ്റിയുടെ സംരക്ഷണയിലേക്ക് മാറ്റിയിരുന്നു.
Most Read: വീണ്ടും ചൈനീസ് ചാരബലൂൺ സാന്നിധ്യം; വെടിവെച്ചു വീഴ്ത്തി യുഎസ്