അബുദാബി: കഴിഞ്ഞ 24 മണിക്കൂറിനിടെ യുഎഇയിൽ 1,519 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 6,86,981 ആയി ഉയർന്നു. കൂടാതെ കഴിഞ്ഞ 24 മണിക്കൂറിൽ രാജ്യത്തിന്റെ വിവിധ ഭാഗങ്ങളിലായി ചികിൽസയിൽ കഴിഞ്ഞിരുന്ന 1,470 പേർ കൂടി കോവിഡ് മുക്തരായിട്ടുണ്ട്. ഇതോടെ രോഗബാധിതരായ ആകെ ആളുകളിൽ 6,64,130 പേർ രാജ്യത്ത് ഇതുവരെ കോവിഡ് മുക്തരായി.
രാജ്യത്തിന്റെ വിവിധ ഭാഗങ്ങളിലായി 5 കോവിഡ് ബാധിതരാണ് കഴിഞ്ഞ ദിവസം മരണപ്പെട്ടത്. നിലവിൽ രാജ്യത്ത് ഇതുവരെ കോവിഡിനെ തുടർന്ന് മരിച്ച ആകെ ആളുകളുടെ എണ്ണം 1,965 ആയും ഉയർന്നിട്ടുണ്ട്. 20,000ത്തിൽ കൂടുതൽ കോവിഡ് ബാധിതരാണ് നിലവിൽ രാജ്യത്ത് ചികിൽസയിൽ കഴിയുന്നത്.
കഴിഞ്ഞ 24 മണിക്കൂറിൽ 1,91,032 കോവിഡ് പരിശോധനകൾ കൂടി നടത്തിയതോടെ രാജ്യത്ത് ഇതുവരെ നടത്തിയ ആകെ കോവിഡ് പരിശോധനകൾ 66.9 ദശലക്ഷത്തിന് മുകളിലായി. കൂടാതെ രോഗവ്യാപനം നിലനിൽക്കുന്ന സാഹചര്യത്തിൽ ആളുകൾ കൃത്യമായി മാസ്ക് ധരിക്കണമെന്നും, സാമൂഹിക അകലം പാലിക്കണമെന്നും അധികൃതർ നിർദ്ദേശം നൽകിയിട്ടുണ്ട്.