കൊച്ചി: എറണാകുളം മലയാറ്റൂരിനടുത്ത് പാറമടയില് വെടിമരുന്ന് പൊട്ടിത്തെറിച്ചു. അപകടത്തില് രണ്ട് അതിഥി തൊഴിലാളികള് മരിച്ചു. ഇന്ന് പുലര്ച്ചെ 3.30 ഓടെയാണ് സംഭവം. മലയാറ്റൂര് ഇല്ലിത്തോടുള്ള പാറമടയിലാണ് അപകടം ഉണ്ടായത്. പാറമടക്ക് സമീപം വെടിമരുന്ന് സൂക്ഷിച്ചിരുന്ന വീട് പൂര്ണമായും തകര്ന്നു.
തമിഴ്നാട് സേലം സ്വദേശി പെരിയാന്നന് ലച്ചുമാനന്, കര്ണാടക ചാമരാജനഗര് സ്വദേശി ധനപാലന് എന്നിവരാണ് മരിച്ചത്. അപകടത്തില് ഗുരുതരമായി പരിക്കേറ്റ ഇരുവരെയും അങ്കമാലി ലിറ്റില് ഫ്ലവർ ഹോസ്പിറ്റലില് എത്തിച്ചെങ്കിലും രക്ഷിക്കാനായില്ല. ഇവരുടെ മൃതദേഹം പോസ്റ്റുമോര്ട്ടത്തിന് ശേഷം വിട്ടുനല്കും.