എറണാകുളം : എറണാകുളം ജില്ലയില്‍ കോവിഡ് മരണസംഖ്യ ഉയരുന്നു. നാല് മരണങ്ങള്‍ കൂടി ജില്ലയില്‍ റിപ്പോര്‍ട്ട് ചെയ്‌തിട്ടുണ്ട്. തൃപ്പൂണിത്തുറ സ്വദേശി കേശവ പൊതുവാള്‍(90), കതൃക്കടവ് സ്വദേശിനി മേരി ബാബു (69), പിറവം സ്വദേശി അയ്യപ്പന്‍ (82), വെണ്ണല സ്വദേശി സതീശന്‍ (58) എന്നിവരാണ് ജില്ലയില്‍ മരിച്ച നാല് പേര്‍. മരിച്ച നാല് പേരും കളമശ്ശേരി മെഡിക്കല്‍ കോളേജില്‍ കോവിഡ് ബാധിച്ചു ചികില്‍സയില്‍ ആയിരുന്നു.
ഇന്ന് രാവിലെ കോവിഡ് ബാധിച്ചു കണ്ണമാലി സ്വദേശിനിയായ ട്രീസ ലോലന്‍(89) മരിച്ചിരുന്നു. ഇവരും കളമശ്ശേരി മെഡിക്കല്‍ കോളേജില്‍ കോവിഡ് ബാധിച്ചു ചികിൽസയില്‍ കഴിയുകയായിരുന്നു. ജില്ലയില്‍ കോവിഡ് ബാധിച്ചു മരിക്കുന്ന ആളുകളുടെ എണ്ണത്തിൽ വലിയ തോതില്‍ വര്‍ധന ഉണ്ടാകുന്നുണ്ട്. കഴിഞ്ഞ അഞ്ച് ദിവസങ്ങള്‍ കൊണ്ട് എറണാകുളം ജില്ലയിലെ 13 പേരാണ കോവിഡ് ബാധിച്ചു മരിച്ചത്.
Read also : സ്വര്‍ണക്കടത്ത് കേസ്: പ്രതികളെ ജയില്‍ മാറ്റും
