ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിലും പ്രതിദിന കോവിഡ് കേസുകൾ 20,000 കടന്നു. 20,038 പേർക്കാണ് കഴിഞ്ഞ 24 മണിക്കൂറിൽ സ്‌ഥിരീകരിച്ചത്‌. കൂടാതെ 47 പേർ കോവിഡ് ബാധയെ തുടർന്ന് രാജ്യത്ത് മരിക്കുകയും ചെയ്‌തു. ഇതോടെ രാജ്യത്തെ ആകെ കോവിഡ് മരണസംഖ്യ 5,25,604 ആയി ഉയർന്നു.
ആരോഗ്യ പ്രതിരോധ മന്ത്രാലയത്തിന്റെ കണക്കുകൾ പ്രകാരം രാജ്യത്ത് കഴിഞ്ഞ 24 മണിക്കൂറിനിടെ 16,994 പേർ കോവിഡ് മുക്‌തരായി. ഇതോടെ ആകെ രോഗബാധിതരിൽ 4,30,45,350 പേരും രാജ്യത്ത് രോഗമുക്‌തരായി. കൂടാതെ നിലവിൽ രാജ്യത്ത് കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 1,39,073 ആയും ഉയർന്നു.
98.48 ശതമാനമാണ് രാജ്യത്തെ നിലവിലെ കോവിഡ് മുക്‌തി നിരക്ക്. കൂടാതെ പ്രതിദിന കോവിഡ് ടെസ്‌റ്റ് പോസിറ്റിവിറ്റി നിരക്ക് 4.44 ശതമാനമായും ഉയർന്നു.
Read also: കനത്ത മഴയിൽ മലപ്പുറത്ത് വീടുകൾക്ക് മുകളിൽ മരം വീണ് അപകടം
