ന്യൂഡെല്ഹി: കേരളത്തിലെ ഇരുപത്തിയൊന്ന് നദികള് മലിനമെന്ന് കേന്ദ്ര ജല ശക്തി വകുപ്പ് സഹമന്ത്രി രത്തന് ലാല് കട്ടാരിയ. കേന്ദ്ര മലിനീകരണ നിയന്ത്രണ ബോര്ഡ് (സിപിസിബി) റിപ്പോര്ട്ട് അനുസരിച്ചാണ് കേരളത്തിലെ നദികള് മലിനമെന്ന് മന്ത്രി വ്യക്തമാക്കിയത്.
മലിനമായ നദികളെ ബയോകെമിക്കല് ഓക്സിജന് ഡിമാന്ഡ് അടിസ്ഥാനമാക്കിയാണ് കണ്ടെത്തിയത്. സംസ്കരിക്കാത്തതും ഭാഗികമായി സംസ്കരിച്ചതുമായ സാധനങ്ങള് പുഴയില് ഒഴുക്കുന്നതും മലിനജലം നദികളിലേക്ക് ഒഴുക്കി വിടുന്നതും നദികളുടെ മലിനീകരണത്തിന് പ്രധാന കാരണമായി. കൂടാതെ വ്യാവസായിക മാലിന്യവും വലിയ തോതില് കേരളത്തിലെ നദികളെ മലിനമാക്കിയെന്നും മന്ത്രി വ്യക്തമാക്കി.
കല്ലായി, ഭവാനി, പമ്പ, ഭാരതപ്പുഴ, മണിമല തുടങ്ങിയ പ്രധാനപ്പെട്ട നദികളും മലിന നദികളുടെ പട്ടികയില് ഉള്പ്പെടുന്നതായും മന്ത്രി അറിയിച്ചു.
Read Also: ഇ-മൊബിലിറ്റി പദ്ധതി; പ്രൈസ് വാട്ടര് കൂപ്പേഴ്സ് പുറത്ത്