അബുദാബി : കഴിഞ്ഞ 24 മണിക്കൂറില് യുഎഇയില് 3,491 ആളുകള്ക്ക് കൂടി കോവിഡ് സ്ഥിരീകരിച്ചതായി വ്യക്തമാക്കി ആരോഗ്യ-പ്രതിരോധ മന്ത്രാലയം. കഴിഞ്ഞ ദിവസം നടത്തിയ 1,63,000 പരിശോധനകളില് നിന്നാണ് രാജ്യത്ത് ഇത്രയും ആളുകളില് കോവിഡ് ബാധ സ്ഥിരീകരിച്ചത്. ഇതോടെ രാജ്യത്ത് കോവിഡ് സ്ഥിരീകരിച്ച ആകെ ആളുകളുടെ എണ്ണം 2,60,223 ഉയര്ന്നിട്ടുണ്ട്. കൂടാതെ കഴിഞ്ഞ ദിവസം മാത്രം രാജ്യത്ത് 5 പേര് കൂടി കോവിഡ് ബാധിച്ചു മരണത്തിന് കീഴടങ്ങിയിട്ടുണ്ട്.
രാജ്യത്തിതുവരെ കോവിഡ് ബാധിച്ചു മരിച്ചത് 756 പേരാണ്. കഴിഞ്ഞ 24 മണിക്കൂറില് രാജ്യത്ത് കോവിഡ് മുക്തരായ ആകെ ആളുകളുടെ എണ്ണം 3,311 ആണ്. രാജ്യത്തെ ആകെ കോവിഡ് ബാധിതരില് 2,31,675 ആളുകളും ഇതുവരെ രോഗമുക്തരായിട്ടുണ്ട്. ഇതോടെ നിലവില് രാജ്യത്തിന്റെ വിവിധ ഭാഗങ്ങളില് ചികില്സയില് കഴിയുന്നവരുടെ എണ്ണം 27,792 ആയിട്ടുണ്ട്. രാജ്യത്തിതുവരെ 2.35 കോടിയിലധികം കോവിഡ് പരിശോധനകള് നടത്തിയതായാണ് ആരോഗ്യമന്ത്രാലയം വ്യക്തമാക്കുന്നത്.
Read also : കോവിഡ്; സൗദിയിൽ രോഗികളുടെ എണ്ണത്തിൽ വർധന