കാസർഗോഡ്: കാറിൽ കടത്തുകയായിരുന്ന 4 കിലോഗ്രാം സ്വർണം കസ്‌റ്റംസ്‌ ഉദ്യോഗസ്‌ഥർ പിടികൂടി. പള്ളിക്കര ടോൾ ഗേറ്റിന് സമീപത്തു നിന്നാണ് സ്വർണം പിടികൂടിയത്. സംഭവുമായി ബന്ധപ്പെട്ട് കർണാടക ബെൽഗാം സ്വദേശികളായ തുഷാർ (27), ജ്യോതിറാം (23) എന്നിവരെ അറസ്‌റ്റ് ചെയ്‌തു.
കോഴിക്കോട് നിന്ന് ബെൽഗാമിലേക്ക് സ്വർണം കടത്തുകയായിരുന്നു പ്രതികളുടെ ലക്ഷ്യം. കാറിന്റെ പിൻസീറ്റിലെ രഹസ്യ അറയിലാണ് സ്വർണം സൂക്ഷിച്ചിരുന്നത്. പിടികൂടിയ സ്വർണത്തിന് വിപണിയിൽ ഒന്നേമുക്കാൽ കോടി രൂപ വിലവരുമെന്ന് കസ്‌റ്റംസ്‌ അറിയിച്ചു. കഴിഞ്ഞ ഫെബ്രുവരിയിൽ കാസർഗോഡ് നിന്നും 15.5 കിലോഗ്രാം സ്വർണവും കസ്‌റ്റംസ്‌ പിടികൂടിയിരുന്നു.
Read also: മണ്ണാര്‍ക്കാട് വ്യവസായിയെ ഇടത് സ്‌ഥാനാര്‍ഥിയാക്കണം; ബിഷപ്പിന്റെ കത്ത്
