വാഷിംഗ്ടണ്: കഴിഞ്ഞ ദിവസം വാഷിംഗ്ടണിൽ നടന്ന വെടിവെപ്പില് ആറ് വയസുകാരി കൊല്ലപ്പെട്ടു. അഞ്ച് പേര്ക്ക് പരിക്കേറ്റു. ഫുട്പാത്തില് സൈക്കിള് ഓടിക്കവേയാണ് നിയാ കോര്ട്ട്നി എന്ന ഒന്നാം ക്ളാസുകാരിക്ക് വെടിയേറ്റത്. ഉടൻ കുട്ടിയെ ആശുപത്രിയിൽ എത്തിച്ചെങ്കിലും ജീവന് രക്ഷിക്കാനായില്ല. വെടിവെപ്പിൽ പരിക്കേറ്റ മറ്റ് അഞ്ച് പേരുടെ നില ഗുരുതരമല്ലെന്ന് പോലീസ് അറിയിച്ചു.
പ്രദേശത്തെ ചിലര് തമ്മിലുള്ള തര്ക്കത്തെ തുടര്ന്നാണ് വെടിവെപ്പ് ഉണ്ടായതെന്നാണ് സൂചന. എന്നാൽ കൂടുതല് അന്വേഷണം നടന്നാലേ കാര്യങ്ങള്ക്ക് വ്യക്തത വരികയുള്ളു എന്നാണ് പോലീസ് പറയുന്നത്. അക്രമികളെ പിടികൂടാന് സഹായിക്കണമെന്നും അന്വേഷണവുമായി സഹകരിക്കണമെന്നും പരിസരവാസികളോട് പോലീസ് അഭ്യർഥിച്ചിട്ടുണ്ട്.
Read also: ഡാനിഷ് സിദ്ദിഖിയുടെ കൊലപാതകത്തിൽ പങ്കില്ല; ഖേദം പ്രകടിപ്പിച്ച് താലിബാൻ