പ്രമുഖർ അണിനിരക്കുന്ന തമിഴ് ആന്തോളജി ‘നവരസ‘യുടെ റിലീസ് തീയതി ഔദ്യോഗികമായി പ്രഖ്യാപിച്ചു. നെറ്റ്ഫ്ളിക്സിലൂടെ ആഗസ്റ്റ് 6നാണ് ചിത്രത്തിന്റെ റിലീസ്. സംവിധായകൻ മണിരത്നവും, ജയേന്ദ്ര പഞ്ചപാകേശനും ചേർന്നാണ് നവരസ നിർമിച്ചത്. ഒൻപത് വ്യത്യസ്ത സംവിധായകരുടെ ഒൻപത് ചിത്രങ്ങളാണ് നവരസയിൽ ഉള്ളത്. ചിത്രത്തിലെ പ്രധാന അഭിനേതാക്കളെ ഉൾപ്പെടുത്തിയ പ്രത്യേക വീഡിയോയിലൂടെയാണ് റിലീസ് തീയതി പ്രഖ്യാപിച്ചത്.
ഒൻപത് ഹ്രസ്വചിത്രങ്ങളാണ് നവരസയിലുള്ളത്. പ്രിയദർശൻ, ഗൗതം വാസുദേവ മേനോന്, ബിജോയ് നമ്പ്യാര്, കാര്ത്തിക് സുബ്ബരാജ്, പൊന് റാം, സർജുൻ കെഎം, കാര്ത്തിക് നരേന്, രതിന്ദ്രന് ആര് പ്രസാദ്, അരവിന്ദ് സ്വാമി എന്നിവരാണ് സംവിധായകര്.
സൂര്യ, അരവിന്ദ് സ്വാമി, പാര്വതി തിരുവോത്ത്, വിജയ് സേതുപതി, സിദ്ധാര്ഥ്, പ്രകാശ് രാജ്, രേവതി, നിത്യാ മേനോന്, ഐശ്വര്യ രാജേഷ്, പൂര്ണ, റിതിക, ശരവണന്, അളകം പെരുമാള്, പ്രസന്ന, ബോബി സിംഹ, വിക്രാന്ത്, ഗൗതം കാര്ത്തിക്, അശോക് സെല്വന്, റോബോ ഷങ്കര്, രമേഷ് തിലക്, സനന്ത്, വിധു എന്നിവരാണ് ഒൻപത് സിനിമകളിലായി അഭിനയിച്ചത്.
പിസി ശ്രീറാം, സന്തോഷ് ശിവന്, ബാലസുബ്രഹ്മണ്യം, മനോജ് പരമഹംസ, അഭിനന്ദന് രാമാനുജം, ശ്രേയസ് കൃഷ്ണ, സുജിത് സാരംഗ്, വി ബാബു എന്നിവരാണ് ഛായാഗ്രഹണം. പട്ടുകോട്ടൈ പ്രഭാകര്, മദന് കര്ക്കി, സോമീതരന് എന്നിവരാണ് തിരക്കഥ ഒരുക്കിയത്. എആര് റഹ്മാന്, ഇമന്, ജിബ്രാന്, അരുല്ദേവ്, കാര്ത്തിക്, രോണ്തന് യോഹന്, ഗോവിന്ദ് വസന്ത, ജസ്റ്റിന് പ്രഭാകരന് എന്നിവരാണ് സംഗീത സംവിധാനം നിർവഹിച്ചത്.
Read Also: കോപ്പ അമേരിക്ക ഫൈനൽ; കാണികൾക്ക് പ്രവേശനം ഉണ്ടാവില്ല