മുംബൈ: കോവിഡ് പശ്ചാത്തലത്തിലും ഇന്ത്യയിലെ അതിസമ്പന്നര്ക്ക് വന് സാമ്പത്തിക വര്ധന. റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിയാണ് ഇന്ത്യയിലെ സമ്പന്നരില് ഒന്നാമന്. ഹുറുണ്, ഐഎഎഫ്എല് വെല്ത്ത് പുറത്തിറക്കിയ 2020 ലെ ഇന്ത്യന് ധനികരുടെ പട്ടികയിലാണ് മുകേഷ് അംബാനി തുടര്ച്ചയായ ഒന്പതാം വര്ഷവും ഒന്നാം സ്ഥാനം നിലനിര്ത്തിയത്.
Also Read: റിലയന്സ് റീട്ടെയിലില് 5,500 കോടി രൂപ നിക്ഷേപിക്കാന് കെ.കെ.ആര്
രാജ്യത്ത് മാര്ച്ചില് ലോക്ക് ഡൗണ് പ്രഖ്യാപിച്ചത് മുതല് ഓരോ മണിക്കൂറിലും 90 കോടി രൂപയാണ് മുകേഷ് അംബാനി സമ്പാദിച്ചത്. ഒരു വര്ഷം കൊണ്ട് 73 ശതമാനം വര്ധനയാണ് ഇദ്ദേഹത്തിന്റെ വരുമാനത്തില് ഉണ്ടായത്. മുകേഷ് അംബാനിയുടെ മൊത്ത സമ്പാദ്യം 6.58 ലക്ഷം കോടി രൂപയാണ്.
Related News: അനില് അംബാനിക്ക് പിന്നാലെ 3 ചൈനീസ് ബാങ്കുകള്; ആസ്തികൾ കണ്ടുകെട്ടും
അതേസമയം, ഇദ്ദേഹത്തിന്റെ സഹോദരനും റിലയന്സ് ഗ്രൂപ്പ് ചെയര്മാനുമായ അനില് അംബാനിയുടെ സ്വത്ത് വകകള് കണ്ടുകെട്ടുന്ന നടപടികളുമായി 3 ചൈനീസ് ബാങ്കുകള് മുന്നോട്ട് പോവുകയാണ്. വായ്പാ ഇനത്തില് 5300 കോടി രൂപയാണ് അനില് അംബാനി തിരിച്ചടക്കാനുള്ളത്.