ചെന്നൈ: തമിഴ്നാട്ടിലെ നിയമസഭാ തിരഞ്ഞെടുപ്പിൽ ഡിഎംകെക്ക് ലഭിച്ച വിജയത്തിന് പിന്നാലെ തന്റെ പാർട്ടിക്കു വേണ്ടി നാവ് മുറിച്ച് ക്ഷേത്രത്തിൽ സമർപ്പിച്ച് യുവതി. 32കാരിയായ യുവതിയാണ് പാർട്ടിയുടെ വിജയത്തിൽ സ്വന്തം നാവ് മുറിച്ച് രാമനാഥപുരം ജില്ലയിലെ മുതലമ്മൻ ക്ഷേത്രത്തിൽ സമർപ്പിച്ചത്.
ഡിഎംകെയുടെ വിജയം ഉറപ്പായതോടെ ക്ഷേത്രത്തിലേക്ക് എത്തിയ യുവതിക്ക് കോവിഡ് നിയന്ത്രണങ്ങളെ തുടർന്ന് അകത്തേക്ക് കയറാനായില്ല. തുടർന്ന് ക്ഷേത്ര കവാടത്തിൽ വെച്ച് നാവ് മുറിച്ചു. ഇതോടെ തളർന്നുവീണ ഇവരെ ഉടൻ ആശുപത്രിയിലേക്ക് മാറ്റി. പത്ത് വർഷത്തെ ഇടവേളക്ക് ശേഷം ഡിഎംകെ വീണ്ടും തമിഴകത്ത് ചെങ്കോലേന്തിയതിന് പിന്നാലെയാണ് യുവതിയുടെ നടപടി.
Read also: പിതൃതുല്യനെയാണ് നഷ്‌ടപ്പെട്ടത്; ബാലകൃഷ്‌ണ പിള്ളയുടെ വിയോഗത്തിൽ ജോസ് കെ മാണി
