കൊച്ചി: എസ്ഐ ആനി ശിവയെ അപമാനിച്ചെന്ന പരാതിയിൽ ഹൈക്കോടതി അഭിഭാഷക സംഗീത ലക്ഷ്മണയ്ക്കെതിരെ കേസ്. സ്ത്രീത്വത്തെ അപമാനിച്ചതിനും കൂടാതെ ഐടി ആക്ട് നിയമപ്രകാരവും എറണാകുളം സെൻട്രൽ പോലീസാണ് സംഗീത ലക്ഷ്മണയ്ക്കെതിരെ കേസെടുത്തത്.
എറണാകുളം സെൻട്രൽ പോലീസ് സ്റ്റേഷനിൽ ആനി ശിവ എസ്ഐ ആയി ചുമതലയേറ്റതിന് പിന്നാലെ കയ്യിലിരിപ്പുകൊണ്ട് സ്വന്തം ജീവിതം നശിപ്പിച്ചവർ മറ്റുള്ളവരുടെ ചുമതല എങ്ങനെ ഏറ്റെടുക്കും എന്ന തരത്തിൽ സംഗീത ലക്ഷ്മണ ഫേസ്ബുക്കിൽ പോസ്റ്റ് ഇട്ടിരുന്നു. തുടർന്ന് പോസ്റ്റ് വിവാദമാവുകയും അഭിഭാഷകയ്ക്ക് എതിരെ ആനി ശിവ പരാതി നൽകുകയുമായിരുന്നു.
ഒരുകാലത്ത് ജീവിതം മുന്നോട്ടു കൊണ്ടുപോകാനായി നാരങ്ങാവെള്ളം വിറ്റുനടന്നിരുന്ന വര്ക്കലയില് എസ്ഐയായി ചാര്ജെടുത്തതോടെയാണ് ആനി ശിവയുടെ ജീവിതകഥ പുറംലോകമറിയുന്നത്. നിലവില് എറണാകുളം സെന്ട്രല് പോലീസ് സ്റ്റേഷനിലാണ് ആനി ശിവ ജോലിചെയ്യുന്നത്.
Read also: വിസ്മയ കേസ്; എഫ്ഐആർ റദ്ദാക്കണമെന്ന് ആവശ്യപ്പെട്ട് കിരൺ കുമാർ