മലപ്പുറം: ഇസ്ലാമിക വിശ്വാസത്തിലെ പവിത്ര മാസങ്ങളിൽ ഒന്നായ ദുൽഹജ്ജ് മാസത്തിലെ അമൂല്യമായ പുണ്യാവസരങ്ങളെ പരമാവധി ഉപയോഗപ്പെടുത്തി ധന്യരാവാൻ വിശ്വാസികൾ ഉൾസാഹിക്കണമെന്ന് കേരള മുസ്ലിം ജമാഅത്ത് ജില്ലാ പ്രസിഡണ്ട് കൂറ്റമ്പാറ അബ്ദുറഹ്മാൻ ദാരിമി പറഞ്ഞു.
നിർദ്ദേശിക്കപ്പെട്ട പുണ്യ കർമങ്ങളും ആചാരങ്ങളും അനുഷ്ടിച്ച് സൗഭാഗ്യം നേടാനാവണം പ്രതിസന്ധി നിറഞ്ഞ ഈ കാലത്തിനെ ഉപയോഗിക്കേണ്ടത്. ജില്ലാ ദഅവകാര്യ സമിതി ഓൺലൈനിൽ നടത്തിയ കുടുംബ സഭയിൽ ‘ദുൽഹജ്ജ് പുണ്യങ്ങളുടെ കൊയ്ത്തുകാലം‘ എന്ന പ്രമേയത്തിൽ മുഖ്യപ്രഭാഷണം നടത്തുകയായിരുന്നു ഇദ്ദേഹം.
ദുൽഹജ്ജ് മാസത്തിന്റെ പിറവിയോടെ നൻമകളുടെയും പുണ്യങ്ങളുടെയും ധാരാളം അവസരങ്ങളാണ് നമ്മെ കാത്തിരിക്കുന്നത് അവയെല്ലാം പൂർണാർഥത്തിൽ ഉപയോഗപ്രദമാക്കാൻ ഏവർക്കും സാധ്യമാണ്; അബ്ദുറഹ്മാൻ ദാരിമി വിശ്വാസികളോട് വിശദീകരിച്ചു.
ബലികർമ കർമശാസ്ത്രം എന്ന വിഷയത്തിൽ ജില്ലാ ദഅ്വ കാര്യ പ്രസിഡണ്ട് പിഎസ്കെ ദാരിമി എടയൂർ ക്ളാസ് നയിച്ചു. ജില്ലാ ദഅ്വ കാര്യ സെക്രട്ടറി പികെഎം സഖാഫി ഇരിങ്ങല്ലൂർ സ്വാഗതം പറഞ്ഞു. പരിപാടിയുടെ യൂട്യൂബ് ലിങ്ക്: കുടുംബസഭ
Most Read: പ്രോട്ടോകോൾ പാലിക്കാത്തവരെ ശകാരിച്ച് കൊച്ചുകുട്ടി; വൈറൽ വീഡിയോ