കൊച്ചി: നയതന്ത്ര സ്വര്ണക്കടത്ത് കേസ് അന്വേഷിച്ച കൊച്ചി പ്രിവന്റീവ് കസ്റ്റംസ് കമ്മീഷണര് സുമിത് കുമാറിന് സ്ഥലം മാറ്റം. ജിഎസ്ടി കമ്മീഷണറായാണ് മാറ്റം. രാജേന്ദ്ര കുമാറാണ് പുതിയ കസ്റ്റംസ് കമ്മീഷണര്. സംസ്ഥാനത്ത് അടുത്തകാലത്ത് പുറത്തുവന്ന മിക്ക സ്വര്ണക്കടത്ത് കേസുകളും കണ്ടുപിടിച്ച ഉദ്യോഗസ്ഥനായിരുന്നു സുമിത് കുമാര്.
തിരുവന്തപുരം സ്വര്ണക്കടത്ത് കേസന്വേഷണം നടക്കവെയാണ് ഇപ്പോൾ സുമിത് കുമാറിനെ സ്ഥലം മാറ്റിയിരിക്കുന്നത്. ആദ്യഘട്ടത്തിൽ സുമിത് കുമാറെടുത്ത നിലപാട് മൂലമാണ് കോൺസുലേറ്റിന്റെ എതിർപ്പ് മറികടന്ന് നയതന്ത്ര ബാഗേജ് തുറന്ന് പരിശോധിച്ചത്. നേരത്തെ കസ്റ്റംസ് ജോയിന്റ് കമ്മീഷണര് അനീഷ് പി രാജനേയും സ്ഥലം മാറ്റിയിരുന്നു. സ്വര്ണക്കടത്ത് കേസ് വലിയ രീതിയിൽ ചർച്ചയായിരുന്ന സമയത്തായിരുന്നു ഇത്.
Read Also: സംസ്ഥാനത്തെ കടകൾ തുറക്കൽ; മുഖ്യമന്ത്രിയുമായി വ്യാപാരികളുടെ ചർച്ച ഇന്ന്