തിരുവനന്തപുരം: ഈ വർഷത്തെ പ്ളസ് വൺ പ്രവേശനത്തിനുള്ള ഓൺലൈൻ അപേക്ഷകൾ 24 മുതൽ സ്വീകരിക്കും. നേരത്തെ ഓഗസ്റ്റ് 17 മുതൽ ഓൺലൈൻ അപേക്ഷകൾ സ്വീകരിക്കാനാണ് തീരുമാനിച്ചിരുന്നത്. എന്നാൽ സാങ്കേതിക കാരണങ്ങളെ തുടർന്ന് തീയതി മാറ്റുകയായിരുന്നു.
സംവരണവുമായി ബന്ധപ്പെട്ട കോടതി വിധികളുടെ പശ്ചാത്തലത്തിൽ പ്രോസ്പെക്ടസിൽ മാറ്റം വരുത്തിയാണ് ഈ വർഷം അപേക്ഷ സ്വീകരിക്കുന്നത്. ഇതിലെ സാങ്കേതിക പ്രശ്നങ്ങളെ തുടർന്നാണ് തീയതി നീട്ടിയത്.
ഓരോ ജില്ലയിലെയും പ്ളസ് വൺ അപേക്ഷകളുടെ സ്ഥിതി വിലയിരുത്തിയ ശേഷമേ സീറ്റുകളുടെ കാര്യത്തിൽ വ്യക്തത ഉണ്ടാവൂ. വിദ്യാർഥികളില്ലാത്ത ഹയർ സെക്കൻഡറി കോഴ്സുകൾ കുട്ടികൾ ഏറെയുള്ള ജില്ലകളിലേക്ക് മാറ്റുന്നതടക്കം സർക്കാരിന്റെ പരിഗണനയിലുണ്ട്.
Also Read: ഹെയ്തിയിൽ മരണസംഖ്യ 1,297 ആയി; ഭൂചലനത്തിനൊപ്പം ചുഴലിക്കാറ്റ് മുന്നറിയിപ്പും
