ന്യൂഡെൽഹി: കോവിഡ് പ്രതിരോധത്തിന്റെ ഭാഗമായുള്ള പ്രവർത്തനങ്ങളിൽ അർപ്പണ ബോധത്തോടെ പ്രവർത്തിച്ച കോവിഡ് യോദ്ധാക്കൾക്ക് അഭിനന്ദനവുമായി രാഷ്ട്രപതി രാംനാഥ് കോവിന്ദ്. ഗവർണർമാരുടെയും ലഫ്റ്റനന്റ് ഗവർണർമാരുടെയും സമ്മേളനത്തെ അഭിസംബോധന ചെയ്തുകൊണ്ടാണ് അദ്ദേഹം കോവിഡ് പോരാളികൾക്ക് നന്ദി പറഞ്ഞത്.
രാജ്യം നിരവധി പരിമിതികൾക്കുള്ളിൽ നിന്നാണ് കോവിഡിനെതിരായ പോരാട്ടം നടത്തിയതെന്നും, എന്നാൽ ആ സമയത്ത് ഇന്ത്യയും ലോകരാജ്യങ്ങളെ സഹായിച്ചിട്ടുണ്ടെന്നും അദ്ദേഹം വ്യക്തമാക്കി. കൂടാതെ രാജ്യത്ത് ഇതിനോടകം തന്നെ 108 കോടി ജനങ്ങൾക്ക് വാക്സിൻ വിതരണം ചെയ്തുവെന്നും, ഇപ്പോഴും രാജ്യത്തുടനീളം വാക്സിനേഷൻ ഡ്രൈവ് നടക്കുകയാണെന്നും രാഷ്ട്രപതി കൂട്ടിച്ചേർത്തു.
പ്രധാനമന്ത്രി നരേന്ദ്ര മോദി, ഉപരാഷ്ട്രപതി എം വെങ്കയ്യ നായിഡു, കേന്ദ്ര ആഭ്യന്തര മന്ത്രി അമിത് ഷാ എന്നിവരും സമ്മേളനത്തിൽ പങ്കെടുത്തു. രാഷ്ട്രപതി രാംനാഥ് കോവിന്ദിന്റെ അധ്യക്ഷതയിൽ ചേരുന്ന നാലാമത്തെ സമ്മേളനമാണിത്.
Read also: തമിഴ്നാട്ടിൽ ദളിത് യുവാവ് മരിച്ച നിലയിൽ; ദുരഭിമാന കൊലയെന്ന് കുടുംബം