തിരുവനന്തപുരം: സിൽവർ ലൈൻ പദ്ധതിക്കെതിരെ ജനകീയ പ്രതിരോധത്തിന് ഒരുങ്ങി കോൺഗ്രസ്. സാമ്പത്തിക, പാരിസ്ഥിതിക പ്രശ്നങ്ങൾ ഉയർത്തി പ്രചാരണം നടത്താൻ തീരുമാനിച്ചതായി കോൺഗ്രസ് അറിയിച്ചു. കെപിസിസി രാഷ്ട്രീയകാര്യ സമിതിയിലാണ് തീരുമാനം.
അതേസമയം, ഡി ലിറ്റ് വിവാദത്തിൽ ഗവർണറും സർക്കാരും ഒരുപോലെ കുറ്റക്കാരെന്ന് കോൺഗ്രസ് പറഞ്ഞു. വിഡി സതീശനും രമേശ് ചെന്നിത്തലയും പങ്കുവച്ചത് ഒരേ വികാരമെന്ന് രാഷ്ട്രീയകാര്യ സമിതി പറയുന്നു.
കെപിസിസി പുനഃസംഘടനയിലെ മാർഗ നിർദ്ദേശങ്ങളിൽ ചെറിയ തിരുത്തൽ ഉണ്ടാകുമെന്നും രാഷ്ട്രീയകാര്യ സമിതി അറിയിച്ചു. സംഘടനാ പ്രവർത്തനം നടത്താൻ അനുവാദമുള്ള സർക്കാർ ജീവനക്കാരെയും ഭാരവാഹികളായി പരിഗണിക്കും.
Most Read: എയർ ഇന്ത്യ കൈമാറ്റം; ബിജെപി നേതാവ് സുബ്രഹ്മണ്യം സ്വാമി കോടതിയിൽ
