ന്യൂഡെൽഹി: പാര്‍ലമെന്റില്‍ ബജറ്റ് അവതരണം ആരംഭിച്ച് ധനമന്ത്രി നിര്‍മലാ സീതാരാമന്‍. പ്രതീക്ഷിച്ചതുപോലെ വിദ്യാര്‍ഥികളേയും യുവാക്കളേയും പരിഗണിച്ചു കൊണ്ടുള്ള ഒട്ടനവധി പ്രഖ്യാപനങ്ങളും ഇത്തവണത്തെ കേന്ദ്ര ബജറ്റിലുണ്ട്.
വിദ്യാഭ്യാസ മേഖലയുടെ അടിസ്‌ഥാന സൗകര്യവികസത്തിന് ഊന്നല്‍ കൊടുത്തുകൊണ്ടാണ് ഇത്തവണത്തെ ബജറ്റ്. വിദ്യാഭ്യാസ മേഖലക്കായി വന്‍ പദ്ധതികളാണ് നടപ്പാക്കാനിരിക്കുന്നത്. പിഎം ഇ വിദ്യ പദ്ധതിയിലൂടെ 200 ടിവി ചാനലുകള്‍ കൂടി ആരംഭിക്കാനും തീരുമാനിച്ചിട്ടുണ്ട്.
ഒന്ന് മുതല്‍ 12 വരെ ക്ളാസുകളിലെ വിദ്യാര്‍ഥികള്‍ക്ക് ഇ-വിദ്യ പദ്ധതി ആവിഷ്‌കരിക്കുന്നുണ്ട്. വിദ്യാഭ്യാസം ഓണ്‍ലൈനാകുന്ന പാശ്‌ചാത്തലത്തിലാണ് തീരുമാനം. ഒരു ക്ളാസിന് ഒരു ചാനല്‍ പദ്ധതി നടപ്പാക്കും. ആധുനിക സൗകര്യങ്ങളോടെ പുതുതലമുറ അങ്കണവാടികള്‍ സജ്‌ജമാക്കുമെന്നും പ്രഖ്യാപനമുണ്ട്.
യുവാക്കള്‍ക്കായി 60 ലക്ഷത്തില്‍പ്പരം പുതിയ തൊഴിലവസരങ്ങള്‍ സൃഷ്‌ടിക്കുമെന്നും ധനമന്ത്രി പ്രഖ്യാപിച്ചു.
Most Read: സ്വയം വിരമിച്ച് ഇഡി മുന്‍ ജോ. ഡയറക്‌ടര്‍; ബിജെപി സ്‌ഥാനാര്‍ഥിയായേക്കും
