തൃശൂർ: ടിക്കറ്റ് എക്സാമിനർക്ക് തൃശൂരിൽ ഇതര സംസ്ഥാന തൊഴിലാളികളുടെ ക്രൂര മർദ്ദനം. എറണാകുളം ഹൗറ അന്ത്യോദയ എക്സ്പ്രസിലെ ടിടിഇ ആയ പെരുമ്പാവൂർ സ്വദേശി ബെസിക്കാണ് മർദ്ദനമേറ്റത്.
ടിക്കറ്റില്ലാത്തത് ചോദ്യം ചെയ്തതിനാണ് അതിഥി തൊഴിലാളികൾ സംഘം ചേർന്ന് മർദ്ദിച്ചത്. ആലുവക്കും തൃശൂരിനും ഇടയിൽ വച്ചായിരുന്നു സംഭവം. രാത്രി ഒരു മണിയോടെയാണ് ആക്രമണം നടന്നത്. പരിക്കേറ്റ ബെസിയെ എറണാകുളം രാജഗിരി ആശുപത്രിയിൽ പ്രവേശിപ്പിച്ചു.
10ലധികം പേർ സംഘത്തിൽ ഉണ്ടായിരുന്നു എന്നാണ് വിവരം. ഒരാൾ ടിക്കറ്റ് എടുക്കാത്തത് ചോദ്യം ചെയ്തതിനാണ് ഇത്രയും പേർ ഒരുമിച്ച് ആക്രമണം നടന്നത്. ബെസിയുടെ ഫോൺ അക്രമികൾ വലിച്ചെറിഞ്ഞു.
Most Read: വിദ്യാർഥിനിയുടെ ആത്മഹത്യ; മുഖ്യപ്രതിയെ ജയിലിന് പുറത്ത് സ്വീകരിച്ച് ഡിഎംകെ എംഎൽഎ
