തിരുവനന്തപുരം: ആരോഗ്യ വകുപ്പ് മന്ത്രി വീണാ ജോര്ജുമായി ചെന്നൈ യുഎസ് കോണ്സുല് ജനറല് ജൂഡിത്ത് റേവിന് നടത്തിയ ചര്ച്ചയില് കേരളത്തിന്റെ ആരോഗ്യ മേഖലയില് യുഎസ് പങ്കാളിത്തം ഉറപ്പ് നല്കി. കേരളത്തില് സെന്റര് ഫോര് ഡിസീസ് കണ്ട്രോള് തുടങ്ങുന്നതിനെപ്പറ്റി മുഖ്യമന്ത്രിയുമായി കോണ്സുല് ജനറല് ചര്ച്ച നടത്തിയിരുന്നു. അമേരിക്കയിലെ സിഡിസിയുമായി ഇതിനെ ബന്ധപ്പെടുത്തുന്നതും ചര്ച്ചയായി. സംസ്ഥാനത്തെ സിഡിസിക്ക് കോണ്സുല് ജനറല് എല്ലാ പിന്തുണയും നല്കി.
കേരളത്തിന്റെ കോവിഡ് പ്രതിരോധ പ്രവര്ത്തനങ്ങളെ കോണ്സുല് ജനറല് അഭിനന്ദിച്ചു. കേരളത്തിന്റെ വാക്സിന് ഉത്പാദനം, ആരോഗ്യ പ്രവര്ത്തകരുടെ അമേരിക്കയിലെ തൊഴില് സാധ്യത എന്നിവ സംസാരിച്ചു. കേരളത്തില് നിന്നുള്ള നഴ്സുമാര്, ഡോക്ടർമാർ തുടങ്ങിയ പ്രൊഫഷണലുകളുടെ റിക്രൂട്ട്മെന്റ് എളുപ്പത്തിലാക്കുന്ന കാര്യങ്ങളും ചര്ച്ച ചെയ്തു. യുഎസ് സ്റ്റേറ്റ് ഡിപ്പാര്ട്ട്മെന്റ് നടത്തിയ ഐവിഎല്പി എക്സ്ചേഞ്ച് പ്രോഗ്രാമില് മന്ത്രി മുമ്പ് പങ്കെടുത്തതില് കോണ്സുല് ജനറല് സന്തോഷം രേഖപ്പെടുത്തി.
ആരോഗ്യ വകുപ്പ് അഡീഷണല് ചീഫ് സെക്രട്ടറി ഡോ.ആശ തോമസ്, പ്രിന്സിപ്പല് സെക്രട്ടറി ഡോ.രാജന് എന് ഖോബ്രഗഡെ, എന്എച്ച്എം സ്റ്റേറ്റ് മിഷന് ഡയറക്ടർ ഡോ. രത്തന് ഖേല്ക്കര്, ചെന്നൈ യുഎസ്. കോണ്സുലേറ്റ് ജനറല് ഓഫീസ് കള്ച്ചറല് അഫയേഴ്സ് ഓഫിസർ സ്കോട്ട് ഹര്ട്ട്മൻ എന്നിവര് ചര്ച്ചയില് പങ്കെടുത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
