തിരുവനന്തപുരം: കേരളത്തിന്റെ വ്യാവസായിക മുന്നേറ്റം സാധ്യമാക്കുകയാണ് സംസ്‌ഥാന സർക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയൻ. ഇതിന്റെ ഭാഗമായി ഒരു വർഷം കൊണ്ട് ഒരു ലക്ഷം സംരംഭങ്ങൾ കേരളത്തിൽ പുതുതായി തുടങ്ങുമെന്നും മുഖ്യമന്ത്രി പറഞ്ഞു.
‘സംരംഭക വർഷം, പ്രഖ്യാപനവും ഉൽഘാടനവും നിർവഹിച്ചു സംസാരിക്കുകയായിരുന്നു അദ്ദേഹം. എന്റെ സംരംഭം എന്റെ നാടിന്റെ അഭിമാനം’ എന്ന പേരിലാണ് പദ്ധതി നടപ്പിലാക്കുന്നത്. പദ്ധതിയുടെ ഭാഗമായി ഒരു വർഷം കൊണ്ട് ഒരു ലക്ഷം സംരംഭങ്ങൾ തുടങ്ങാനാണ് ലക്ഷ്യമിടുന്നത്. സംരംഭകരാകാൻ താൽപര്യമുള്ളവർക്ക് ബോധവൽക്കരണവും നൽകും.
അഭ്യസ്‌ത വിദ്യർക്ക് നാട്ടിൽ തന്നെ തൊഴിൽ നൽകുകയാണ് ലക്ഷ്യം. വ്യവസായ മേഖലയിൽ മാത്രം പതിനായിരം കോടി രൂപയുടെ നിക്ഷേപമാണ് ഉദ്ദേശിക്കുന്നതെന്നും മുഖ്യമന്ത്രി പറഞ്ഞു. അതേസമയം, വ്യവസായ ശാലകളിലെ പരിശോധന ആർക്കും ബുദ്ധിമുട്ടില്ലാതെ നടത്തുമെന്നും മുഖ്യമന്ത്രി പറഞ്ഞു. വ്യവസായ മേഖലയിൽ ഒരു കൊല്ലം കൊണ്ട് 6,350 കോടി രൂപയുടെ നിക്ഷേപ വാഗ്‌ദാനം ഉണ്ടായെന്നും മുഖ്യമന്ത്രി അറിയിച്ചു.
Most Read: സംസ്‌ഥാനത്ത്‌ ബസ് ചാർജ് വർധിപ്പിക്കാൻ തീരുമാനം; മിനിമം നിരക്ക് പത്ത് രൂപയാക്കും
